chapter 17

Hindi ko alam kung gaano ako katagal na nakalimot at nagpapakalunod sa halik ni Michael dahil nakabalik lang ako sa reyalidad nang umabot sa pandinig ko ang maharot na tilian ng mga kabataan sa kabilang bahagi ng park.

Para akong binuhusan ng malamig na tubig kaya mabilis kong naitulak palayo si Michael kasabay nang pagtayo mula sa pagkakaupo.

Agad kong sinuyod ang paligid upang alamin kung may mga nakatingin ba sa'min. Malaking eskandalo 'to kung sakali!

Nakahinga ako nang maluwag nang makitang tanging iyong mga batang abala sa kung anong nilalaro nila ang natatanaw ko. Medyo papadilim na at nahaharangan ang kinaroroonan namin ng malaking puno kaya hindi kami gaanong nakikita mula sa mga ito. Ligtas ang inosente nilang mga mata mula sa hindi pambata naming eksena kanina!

Nang masigurong wala akong dapat ipag-alala ay tsaka ko pa lang hinarap si Michael.

Muntik pa akong mapamura dahil nang magtagpo ang mga tingin namin ay biglang may sumipa nang malakas sa puso.

Ang tindi nang epekto