Chapter 4

Lumipas ang ilang linggo na wala akong ginawa kundi makipag-kulitan kina Nana Luz, tinutulungan ko din sila sa paglilinis ng mansyon. Hindi din nawala ang tawanan namin lalo na habang tinuturuan ako ni Nana kung paano mag luto ng iba't-ibang putahe. Naging masigla ako dahil wala kaming ibang ginawa kundi ang pasayahin ang isa't-isa. Sa mga nagdaang linggong yun ay hindi ko na napa-panaginipan o naaalala ang masasakit na alala namin ni ina ng magkasama. Oo, namimiss ko siya pero hindi na ulit ako umabot sa puntong iiyak ng parang walang katapusan. Marahil dahil sa araw-araw aking masaya kasama sila Nana.

Kasalukuyan akong naghahanda ngayon dahil pupunta kami ng mall para mamili ng gamit ko sa paaralan. Isasama ko silang tatlo dahil ayaw ko namang mag isa lang akong umiikot sa mall.

Isinukbit ko ang aking sling bag sa aking balikat at tiningnan kung naroon na ang aking pitaka at kung dala ko ang cellphone at credit card na binigay sa akin ni Daddy. Nang masigurong naroon na nga yun ay dali-dali akong bumaba.

"Nana Luz, ate Bicky handa na ba kayo?" Masiglang tanong ko sakanila.

"Aba'y Oo naman Ryn, ito ngang si Bicky ay daig ka pa kung mag apura." Natatawang sambit niya na ikinahaba ng nguso ni ate Bicky

"Nana naman e, diba nga minsan na lang tayo kung maka labas dito kaya syempre masaya ako no." Pagdadahilan niya na ikinatawa namin.

"Okay lang yan ate, basta ba mag i-enjoy tayo ngayon ha? Gusto kong libutin ang mall" 

"Maganda nga yan Ryn hahahah kahit wala na tayong bilhin basta nasa labas tayo."

Sabay kaming natawa dahil sa sinabi niya.

"O siya sige na at baka madatnan nating sarado ang mall kaka-kwentuhan niyo jan."

Iginiya sa amin ni Nana ang daan at masaya naman kaming lumabas at sinalubong si kuya Abner na halos mahati na ang mukha sa laki ng ngiti niya.

"Handa na ba ang lahat?" Masayang tanong niya 

"Oh yeah! Let's go shopping na!" Sigaw ni ate Bickey at nag rock 'n roll sign pa.

Tinawanan namin siya at pumasok na sa kotse. Si kuya Abner ang nagmamaneho at katabi naman niya si Nana, habang kami ni ate Bicky nasa likod. Magtatabi sana kami ni Nana pero mas madali daw kaming makakapagbiruan kung magkatabi kami.

Tawa kami ng tawa habang nasa daan papuntang mall lalo na at pinaandar ni kuya Abner ang radyo. Tamang tama naman at mga lumang kanta yun kaya naka sabay samin si Nana. Kiniliti ako ni ate Bicky ng paulit-ulit kaya hindi ko paiwasang mapasigaw habang nag mamakaawang tumigil siya. Sinita naman siya ni Nana kaya napatigil agad siya. Si kuya Abner naman ay nakontento sa pagtingin-tingin sa'min sa salamin at kung minsan ay binabara si ate Bicky. 

"Uy yan gusto ko yan, hahaha diba kanta ni Basil Valdez yan, Na?" Excite na tanong pa ni ate Bicky

"Aba'y Oo, ang titolo niyan ay 'Ngayon'"

"Ay koro lang ang na memorize ko nyan e, sabayan natin ah"

"Ay sige ate hahaha alam ko yan, lagi naming kinakanta ni ina dati."

"Sayang nga di ko memoryado e, basta lagi ko din naririnig yan dati sadyang hindi lang talaga ako mahilig mag memorya ng kanta. Uy hala Ayan na! Magko-koro na" anang ate Bicky habang iminuwestra ang tatlong bilang bago umabot ang koro.

"Ituring mong kahapo'y waring panaginip lang, ang bukas pangitain niyang ganda'y sa isip lang, kung bawat ngayon mo sayo ay laging sulit lang, kay ganda ng buhay bukas mo'y matibay dahil ang sandiga'y ngayon🎶"

Pareho kaming may malawak na ngiti habang kinakanta ang bahaging yon ng ilang beses. Kapag natatapos ang koro at papasok na sa stanzas ay natatahimik na lamang kami at paminsan-minsang sinasabayan ang kanta sa pamamagitan ng humming hanggang sa matapos ang kanta.

"Napaka ganda ng mensahe ng kantang yan kaya kahit luma na ay alam parin ng mga kabataan. Ewan ko nga lang sa iba na hindi nakakapakinig o mahilig makinig ng mga lumang kanta." Ani Nana

"Oo nga Nana, kahit ako man ay mas pipiliin ang mga lumang kanta, mas malumanay at sinsero." Pag sang-ayon naman ni ate Bicky

Tumango lamang ako bilang pag sang-ayon din at tsaka tumingin na sa labas. Nasa parking na kami sa mall kaya inihanda ko na ang sarili ko.

"Oh nandito na tayo, maglibang kayo sa loob ha." Nakangiting sabi ni kuya.

"Hala, anong kami? Kasali ka kaya kuya Abner" ani ko habang nakanguso.

"Ay talaga? Hahaha O sige na nga" napakamot naman si kuya Abner sa ulo niya.

"Wow! Napipilitan ka pa niyan ah," singhal ni ate at naka ngiwi pa talaga.

Nagsitawanan kami dahil sa iniasta ni ate Bicky.

"Halina kayo, baka matuloy ang pagsasarang mall kaka daldal ninyo diyan." Biro ulit ni Nana at itinulak na si kuya Abner.

Pumasok na kami sa mall ng nay ngiti sa labi. Una kaming pumunta sa bilihan ng uniform dahil balak kong dagdagan ng tatlong pares abg uniporme ko. Hindi ko sinarili ang pagpili ng tamang sukat, nagpatulong ako kay ate Bicky.

"Ay wag yan Ryn, sobrang luwang naman, hanapan kita ng medyo fit sayo."

"Sige ate." Usal ko at ngumiti sakanya.

Wala pang ilang segundo ay nakabalik na siya at may dalang apat na sukat.

"Ayan sukatin mo yan, wag na wag ka nang magsuot ng maluwang at nasasayang yang kurba mo." Natawa nalang ako sakanya.

"Okay, pero nakaka-ilang kasi ate."

"Ay sus, walang ilang-ilang, pake ba nila kung magsuot ka ng fit. Bakit sila lang ba pwede magsuot nun ha?"

Tinawanan ko na lamang siya at pumasok na sa fitting room para isukat ang ibinigay niya. Ipinapakita ko sakanya bawat unipormeng sukat ko nang mapagpilian niya.

"Maluwang parin Ryn, balik!" Aniya at binugaw ako papasok sa fitting room.

Pumasok ulit ako at itinuloy ang pagsusukat. Dalawa nalang ang hindi ko pa nasukat at medyo napapagod na'ko kahit pagsusukat lang naman ang ginawa ko. Lumabas ulit ako at ipinakita sakanya.

"Ate tingna-"

Hindi ko natapos ang aking sinasabi dahil sa pagkagitla ko nang pag angat ko sa paningin ko ay iba ang nakita ko. Walang pasubali akong napa titig lang ako sakanya habang kinukurap-kurap ang aking mga mata.

"Ayan! ayan Ryn yan ang sukat mo, tandaan mo yan ha. Naku 'tong batang to pati sukat niya hindi alam, sige na anong sukat ba niya-" 

Rinig ko ang pagsasalita ni ate Bicky pero ang mata ko ay nakatuon parin kay Venrick, and he's doing the same. Nakatitig lang din siya sa akin at dahan dahang ngumiti.

Napansin kong nagpalipat-lipat ng tingin si ate Bicky samin kaya ako na ang kusang pumutol ng titigan namin.

"Ah-"

"Nice, that fits you just right, Ajah." 

Mas lalong lumawak ang ngiti niya. 

"Ah, thank you Venrick,"

Nahihiyang pinilig ko ang ulo ko papunta kila Nana at kuya Abner na naka upo sa beach sa loob ng store. May pagtataka sa kanilang mata at nanunudyong ngiti sa labi.

He called me Ajah in front of them!

"Nah! I told you to call me Ven not Venrick. I hate that name" saad niya at bahagyang lumingo.

Ngumiti ako ng peke sakanya at yumuko.

"Y-yeah it's Ven." Pag uulit ko.

"Hmm that's it." Sabay lakad.

Nataranta naman ako nang mapansing papunta siya sa akin. Itinuon ko ang aking mga mata sakanya at hinihintay ang paglapit niya sakin. Bahagya siyang tumigil mga walang isang metro mula sa akin nang hindi pinuputol ang titig niya. Ginulo niyang bigla ang buhok ko at malawak na ngumiti.

"Tama lang ba ang sukat?" He said, almost a whisper habang sinisipat ang unipormeng sinukat niya

Natuliro ako dahil sa paraan ng pagngiti niya sa akin. Inalis ko ang aking tingin sakanya at sinipat ang suot niyang uniporme.

"Y-yeah It suits you." Naiilang na sabi ko at hindi na makatingin muli sa mga mata niya.

Ganun parin ang reaksyon nina Nana, may nanunudyung ngiti pero bakas ang taka sa mga mata.

"Okay, I'll get 5 sets of this size." Aniya habang nakaharap sa nakaatang sa sales associate.

"Hmmm thanks Ajah, bayaran ko muna." He said at itinuro ang cashier. 

But, before he turn around he left something that makes me shiver.

He winked at me!

Nakahinga ako ng maluwag nang naglakad na siya patalikod sa akin. Hinarap ko sila Nana at nagkukumahog naman silang lumapit sa akin.

"Ahhh! Ajah pala ha, akala ko ba ayaw mo nun?",

"Ay sus hahaha ito talagang si Ajah oh" usal ni ate Bicky at idiniin pa ang pag kakasabi sa Ajah.

"Sino yun Ryn?" Nanunuyang tanong ni Nana Luz sa akin 

"Ah eh k-kasi, nakilala ko s-siya nung enrollment, transferee from States. Ako yung napagtanungan niya." Pagdadahilan ko.

"Aba e bakit di mo pinigilan ang pag tawag niya sayo nun?" Pang aasar naman ni kuya Abner.

"E natatakot ako e, ang dami kayang studyante, hindi ko naman kinausap yun, yung pinsan niya daldal nang daldal tapos nung nakarating na kami sa last process doon niya tinanong pangalan ko. Ayoko namang pahabain ang usapan kaya hinayaan ko nalang siya." Mahabang paliwanag ko sakanila at tinalikuran na

Muli akong pumasok sa fitting room para mag palit. Pagkalabas ko ay dumiretso na ako sa sales associate para ipahanda ang tatlong set nung size na yun. Pagkatapos kong magbayad ay dumiretso na ako sakanila at niyaya silang kumain na muna.

"Hi Ajah!" Nabigla ako nang may biglang sumigaw ng ikalawa kong pangalan.

Dali-dali kong hinanap yun at natagpuan ko si Jayron na kumakaway habang may kasamang dalawang bata. Nginitian ko lang siya at kumaway ng kunti tsaka tumalikod.

"Ajah na naman?" Bulong ni Nana Luz sa akin.

Naiilang ako. Naiilang ako sa paraan ng pag tawag ni Jayron sa'kin. Pero bakit ganun? Bakit pag si Venrick ay ang gaan ng pangalang yun?