CHAPTER 4

CHAPTER 4 — GENTLEMAN

ANGEL's POV

A

raw ng myerkules, nag-anunsyo ang instructor namin na wala kaming pasok kaya naisipan ko na lang na magpunta sa mall. Wala rin naman akong ginagawa sa bahay. Iniiwasan ko rin sina mommy at daddy dahil hindi pa ako handang pag-usapan ang tungkol sa amin ni Clyde.

Sinubukan kong tawagan si Trisha para sana samahan ako kaya lang may pasok daw siya. 

Nasa second floor na ako at abala sa mga pagtingin ng mga libro dito sa National Book Store. May hinahanap kasi akong libro kaso ay wala na raw silang stock. Lumabas ako upang maglibot pa nang may madaanan akong Salon.

May iilan na mga myembro ng LGBT Community ang nandoon sa labas kung saan namimigay sila ng mga flyers. 

"Hello, Miss Pretty! Baka po gusto ninyong subukan ang aming new hair treatment. Discounted na po 'yan kasama ang rebond at cellophane." Biglang sabi ng isang bading na mahaba ang buhok. 

Mabilis na gumapang ang hiya sa aking katawan. Mas mukha pa siyang babae kaysa sa akin.

"A-ah... hindi po. S-salamat na lang po," wika ko sa nahihiyang boses. 

"Sure po ba kayo? Or baka gusto po ninyong magpa-total make-over para naman mailabas natin ang ganda mong tinatago?" Nagpupumilit akong makatakas pero hinaharangan niya ako. "Try na po ninyo." Nakangiti niyang wika. Gumanti na lang din ako sa kaniya habang umiiling. "Sayang naman! Sige po. Basahin na lang ninyo ang flyer na 'to baka magbago ang isip ninyo." 

Kinuha ko pa rin ang flyer bilang respeto na rin sa kaniya. Tatalikod na sana ako nang may mataan ako sa loob ng salon.

Kumabog agad ang dibdib ko nung makilala ko kung sino iyon.

Si Clyde.

Nakaupo siya sa mahabang sofa at abala sa pagbabasa ng magazine. Sinulyapan ko naman ang mga nasa harapan ng salamin, puro mga babae lang ang mga nandoon. 

Halos lahat ay magaganda at mukhang mga artista o modelo.

Girlfriend niya kaya iyong isa sa mga nandito? 

"Hi, ma'm! Gusto po ba ninyong tumuloy sa loob?" 

"Ay palakang may korona!" sigaw ko. Halos mapatalon pa ako dahil sa biglaang pagsasalita ng isang bading sa gilid ko. Tiningnan ko siya. Hindi ito iyong kumausap sa akin kanina pero magkapareho sila ng uniporme. 

Huli na nang mapagtanto ko na nasa akin na ang atensyon ng mga taong nasa loob ng salon pati na rin iyong ibang tao na naglalakad sa labas nito.

Lihim kong naipanalangin sa Diyos na sana ay lamunin na ako ng sahig na kinatatayuan ko dahil hiyang-hiya na ako. Ramdam ko na rin ang pamumula ng aking mukha.

CLYDE's POV

“A

y palakang may korona!” Napalingon ako babaeng nakatayo ngayon sa entrada ng salon na kinaroroonan ko. 

Pinilit kong alalahanin sa aking alaala kung sino at saan ko nakita ang babaeng nakasuot ng kulay abuhin na cardigan at mahabang palda.

Napangiwi na lamang ako nang maalala ko kung sino siya. Tumayo ako at lumapit sa pinto ng salon at tiningnan mabuti si Angel na ngayon ay nakayuko at nagtatakip ng flyer sa mukha.

"H-hindi po. Pasensya na," Hingi niya ng paumanhin sa bading na namimigay ng brochure. Nang makita niyang nasa harapan na niya ako ay mabilis siyang tumalikod. 

"M-miss? Hey... wait!" tawag ko sa kaniya pero dere-deretso lamang ang mabilis niyang lakad. Sinundan ko siya. "Ikaw si Angel, 'di ba?" Napatigil ako sa paglalakad nang huminto siya ngunit nanatiling nakatalikod sa akin. "Alam kong si Angel ka. 'Yung anak nila Tito Aga at Tita Eugene." Paninigurado ko.

Narinig ko ang malakas niyang paghinga nang malalim bago dahan-dahan na humarap sa akin.

"H-hi...,"aniyang nakayuko pa rin.

Napangiti ako dahil tama naman pala ako. Akala ko mapapahiya ako sa kaniya.

"Hello, anong ginagawa mo dito, Angel? May kasama ka ba?" tanong ko sa kaniya. Tumaas ang mga tingin niya deretso sa mga mata ko. Noon ko napansin na ang ganda pala mga mata niya.

"A-ah, wala a-akong kasama. M-may hinahanap kasi akong libro k-kanina sa NBS kaso out of stock sabi nung sales lady k-kaya pauwi na ko ngayon," turan niya.

"I see." Tumango-tango pa ako sa kaniya. 

"I-ikaw... anong g-ginagawa mo dito?" tanong niya. Nag-iwas siya agad ng tingin nung magsalubong ang mga mata namin.

"Nagpasama 'yung kapatid ng bestfriend ko. Nagpapaayos siya sa loob ng salon," sagot ko. 

"B-babae?" Nauutal niyang tanong.

Natawa akong bahagya. "Yeah. Si Loisha." 

"Sige... baka hinahanap ka na niya, bumalik ka na do'n..." Hindi ako sigurado sa aking nakita pero parang lumungkot ang kaniyang ekspresyon. "Mauna na ko. Ba-bye-"

Awtomatiko akong napahakbang ng isang beses palapit sa kaniya nang mabunggo siya ng isang babaeng may hawak na inumin. Sa lakas ng pagkakatama ni Angel sa kamay nito ay bumuhos sa kaniyang katawan ang iniinom nito. Shake pa yata iyon kaya halos dumikit iyon sa parteng natapunan.

"Angel, are you okay?" Mabilis kong kinapa sa aking pantalon ang panyong dala ko. Nang tingnan ko ang kaniyang mukha ay nanlalaki ang kaniyang mga mata habang nakabukas ng bahagya ang manipis at kulay pula niyang labi. "Use this," wika ko habang nilalagay sa kamay niya ang panyo ko.

Humarap ako sa babaeng nakatapon sa kaniya ng inumin. Nakataas ang kilay nito kahit gulat na gulat.

"Oh my gosh! Ang mango shake ko! Ano ba naman kasi 'yan? Ang clumsy mo, miss," sigaw nito at halatang galit. Namumula pa ito sa galit.

"Hey! Hindi mo ba nakikita? Ikaw ang nakatapon sa kaniya so it is your fault not hers," sabi ko sa kaniya. 

May sinabi pa ito pero hindi ko na inintindi. Hinila ko sa kamay si Angel papunta sa public CR ng mall. Halatang gulat pa rin siya dahil nagpatianod lang siya sa akin.

Huminto ako dahilan upang mapahinto rin siya. Tiningnan ko ang itsura niya. May kung anong kumurot sa puso ko nang makita kong nanginginig siya marahil ay sa ginaw. Masyado kasin centralized ang aircon ng mall na ito kaya panigurado, giniginaw siya.

Napamura ako sa aking isipan nang magkatinginan kaming dalawa. Namumula ang gilid ng kaniyan mga mata at anomang oras ay tutulo na ang mga luhang nandoon.

Mabilis kong hinubad ang suot kong varsity jacket na kulay pula at ipinatong ko sa mga balikat niya. "Pumasok ka sa loob. Ayusin mo 'yung damit mo. Lumabas ka dito kapag okay ka na at ibibili kita ng damit sa department store," utos ko. 

Napamaang siya. 

Biglang umahon ang inis ko sa babaeng nakatapon ng shake kay Angel. 

"Okay lang naman ako, C-clyde."

"No. Fix yourself. Hihintayin kita dito." Iyon lang ang nasabi ko. Hindi na siya kumontra saka pumasok sa loob ng CR.

Hindi ko maintindihan ang sarili ko. Awang-awa ako sa nangyari kay Angel. Simpleng aksidente lang naman iyon pero hindi ko matanggap.

May kung ano sa puso ko ang ayaw pumayag. Hindi dapat masaktan ang isang inosenteng kagaya niya.

ANGEL's POV

H

indi ko alam kung gaano ako katagal nakatayo sa harapan ng lababo at pilit nagtatanggal ng kulay dilaw na mantsa sa aking kulay puting t-shirt. Kahit may cardigan ako ay nilalamig pa rin ako dahil ilang minuto rin ang tinagal ng yelo sa katawan ko bago ito tuluyang nalusaw. 

Napalingon ako sa jacket ni Clyde na nakapatong ngayon sa gilid ng lababo. 

Gumapang ang hiya sa buo kong pagkatao. Nakakahiya ang mga nangyari kanina. Nagngingitngit ang kalooban ko dahil sa katangahan ko at hindi pag-iingat.

"Ang tanga-tanga mo, Angel! Nakakainis ka!" singhal ko sa aking repleksyon sa salamin.

Nang masiguro ko na kahit paano ay wala na ang mantsang kulay dilaw sa damit ko ay mabilis kong dinampot ang jacket ni Clyde pati ang sling bag ko.

Nakita ko siyang nakatayo pa rin sa bukana ng CR at may kausap siya sa telepono niya.

Nakayuko lang akong nalakad palapit sa kaniya. Nagtaas lang ako nang tingin nang nasa harapan ko na siya. Binaba niya ang phone niya saka tinago sa bulsa.

"May I see?" tanong niya. Hinawakan pa nito ang balikat ko saka tiningnan mabuti ang damit ko. Kunot ang noo siyang umiling saka nilaro ng kaniyang mga daliri ang sariling ibabang labi. Tila hindi natutuwa sa nakikita. "Let's go." Hinila na naman niya ako.

Naguguluhan man ay sumunod ako sa kaniya. Pumasok kami sa department store at dumeretso sa bilihan ng mga blouse. Lumapit kami sa isang sales lady na nakaunipormeng may Kamiseta ang nakasulat.

"Miss, ihanap mo naman siya ng blouse na pwedeng ipalit sa damit niya," utos ni Clyde sa babae. Tumango lamang ito saka ngumiti. Halata rito na kinikilig dahil may halong pagpapa-cute ang galaw. Gumala ang mga mata ko sa paligid. Tingin palang ay alam ko ng mahal ang mga damit dito. Napangiwi na lang ako nang mapansin ko ang isang manequin na nakasuot ng tube hanging blouse at skirt. Masyadong revealing iyon. Kinilabutan ako nang maisip kong iyon ang suoy ko. "Are you okay?" tanong ni Clyde bigla sa akin dahilan upang mapunta rito ang paningin ko.

Alanganin akong tumango. "Oo. Hindi mo naman kailangang gawin 'to. Pauwi na rin naman ako saka... mahal ang mga damit dito," bulong ko. 

Lumabas ang mapuputi niyang mga ngipin nang ngumiti siya sa akin. "Hindi kita papayagan na ganiyan ang itsura ng damit mo kapag umuwi ka. Alam kong hindi ka rin komportable." Seryoso niyang sabi.

Biglang may mga bagay na gumalaw sa loob ng tiyan ko. Napayuko ako habang pinipigil ang ngiti. 

"Sir, heto po. Sa tingin ko po ay maganda ang isang ito," ani sales lady na nasa likod ko na pala. Bahagya akong gumilid upang makaraan siya at makalapit kay Clyde at doon iyon iniabot.

Nanlaki ang mga mata ko nang tingnan ako ni Clyde. 

Gusto kong mahiya sa paraan ng titig niya. Napayuko na lang ako. Hindi ko alam kung ano ang itsura ko ngayon pero sana ay maayos pa. Nakakahiya!

"Angel, gusto mo ba 'to?" tanong sa akin ni Clyde. Alanganin namang nginitian ako nung sales lady. "Sa kaniya mo iabot dahil para sa kaniya 'yan." Mabilis na lumapit sa akin ang babae.

"Thank you," turan ko nang mahawakan ko na ang isang kulay pink na t-shirt. May bulaklak itong disenyo pati ang salitang Kamiseta.

"Is that okay?" 

"Oo. Okay na okay na 'to. Nakakahiya na sa'yo." 

Ngumiti siya sa akin saka hinila na naman ako papunta sa cashier. Binayaran niya iyon doon saka kami nagtungo sa CR. Pinagbihis niya ako at mabilis naman akong tumalima.

"Komportable ka na ba?" tanong niya nang makalabas ako't makapagpalit. Tumango lang ako. "Good, tara na. Ihahatid na kita."

"H-hindi mo na kailangang gawin pa iyon, Clyde. Sobra-sobra na 'yung naitulong mo sa'kin. Salamat nga pala," sabi ko.

"Sigurado ka?"

"Oo. S-saka may kasama kang kaibigan mo, 'di ba? Nakakahiya naman sa kaniya. Sinamahan mo pa ko."

"Walang anuman. Sa susunod mag-iingat ka at kung pwede, magpasama ka." Bahagya siyang ngumiti.

Tila hinaplos naman ang puso ko dahil sa sinabi niya. Ngumiti ako ng malapad saka tumango. "Oo. Mauuna na'ko. Salamat ulit... bye!" Paalam ko. 

"Bye," aniya saka ako tumalikod. Mabilis akong naglakad paalis sa lugar na iyon na may magandang ngiti sa labi.

CLYDE's POV

N

ung naghiwalay kami ni Angel ay kaagad akong bumalik sa salon. Gusto sanang ihatid talaga si Angel kaya lang ay kasama ko si Loisha para magpaayos ng buhok. Kanina pa kaming alas-nuwebe nandito pero mahigit dalawang oras na ang nakakalipas ay hindi pa rin siya tapos.

Ngumuso siya sa akin habang nakatingin sa repleksyon ko sa salamin ng makaupo ako sa sofa.

"Whare have you been? Bigla kang lumabas without telling me a word." Umirap pa siya. Nakaramdam naman ako ng guilt kaya tumayo ako saka lumapit sa kaniya. May nakalagay sa tapat ng ulo niya pero hindi ko alam kung ano ang tawag.

"May nakita kasi akong kakilala. Kinumusta ko lang, sorry." Humalukipkip ako sa gilid niya at tiningnan siya sa salamin. "Nagugutom na ko. Anong oras ba matatapos 'yan?" 

"Mga 30 minutes na lang daw 'to sabi nung parlorista. Saglit na lang, ha?" Tumango na lang ako saka bumalik sa sofa.

Naiinip na rin kasi ako rito. Sana pala ay hinatid ko na lang muna si Angel. Nakauwi na kaya siya? Ano kayang ginagawa niya?

Ipinilig ko ang ulo ko dahil sa mga katanungan ko sa isip ko. Dapat pala kinuha ko ang number niya para natext o natawagan ko siya. 

"Sino nga pala 'yung friend mo na nakita mo kanina? Kilala ko ba?" tanong niya. Seryoso siyang nakatingin sa akin. Nanunuri.

Tumaas ang kilay ko. "Nope. Hindi mo siya kilala." Nag-iwas siya ng tingin. 

"Sana pinakilala mo sa'kin," aniya.

"Bakit? Kailangan ba?"

"Yes!" Matigas niyang sagot.

"At bakit? Wait... Loisha, bakit ba parang interesado ka kay Angel?" inis kong tanong.

"So, babae pala?"

"Oo. Bakit ba?"

"Ewan ko sa'yo!" Padabog niyang dinampot ang isanf magazine sa harapan ng malaking salamin.

Naibuga ko na lang ng malakas ang hangin na nasa dibdib ko. Ano na naman kaya ang problema sa kaniya? 

Kung hindi lang talaga dahil kay Lux ay hindi ko sasamahan ang kapatid niyang daig pa ang girlfriend ko kung makabakod sa akin.

NANG matapos ang treatment na iyon sa kaniyang buhok ay inaya niya kong kumain. Hindi ko maintindihan talaga ang babaeng ito. Kanina ang init ng ulo at mukhang badtrip pero ngayon nakakapit pa sa braso ko. 

Naiilang kong inalis ang kamay niya rito.

"Ang sunget mo. Kanina ka pa!" singhal niya sa akin.

"Ang baho kasi ng buhok mo. Masyadong matapang 'yung gamot." Pagdadahilan ko.

Ngumiwi na lang siya sa akin.