Chapter 4 - Regret

Para s'yang binuhusan ng malamig na tubig dahil sa narinig. Nanlamig ang buong katawan n'ya sa takot at paulit-ulit na tanong na why ang umalingawngaw sa isipan n'ya.

Pinaandar n'ya ang sasakyan n'ya at pinaharurot ito papunta sa hospital. Halos hindi na lumalapat ang gulong ng sasakyan n'ya sa kalsada sa bilis ng takbo n'ya.

"Wait for me, hold on please, Babe. Papunta na ako."

Sunod-sunod ang pagtulo ng luha n'ya.

"Mali ako I'm sorry. Sobrang mali ako, ang tanga ko babe I'm sorry!"

Humagulgol s'ya ng iyak at napasigaw pa sa sobrang sikip ng dibdib n'ya. Nanlalabo ang mga mata n'ya dulot ng luha pero wala s'yang pakialam dahil mas gusto n'yang makarating agad sa hospital.

Galit n'yang pinindot ang busina ng sasakyan n'ya para makalusot agad sa trafic. Pero syempre hindi sa lahat ng pagkakataon na yun sa kanya ang kalsada dahil naabutan s'ya ng trafic.

"Shit!"

Pinalo n'ya ang manibela ng sasakyan n'ya..Para s'yang mababaliw na kung maari sana hingiin na lang n'ya ang pang-uunawa ng lahat para paunahin s'yang makalusot sa trafic.

Pero syempre kung may problema s'ya, may problema din naman ang ibang tao.

"Tangina Marga, anong klaseng pagmamaneho ba ang ginawa mo?" iyak n'yang tanong kahit s'ya lang naman ang makakarinig.

"Sorry nasaktan kita ng sobra. Kung hindi ko ginawa yun hindi ka naaksidente sorry kasalanan ko babe!" Lumuwag ang kalsada pero saglit lang, umusog lang ang mga sasakyan.

"Paunahin n'yo ako!" galit na galit n'yang pinindot ang busina ng sasakyan n'ya pero syempre sino bang may pakialam? Wala.

Inabot s'ya 20 minutes sa traffic at halos ilang metro lang ang ikot ng gulong ng sasakyan n'ya sa kalsada. Kaya bumaba s'ya ng sasakyan at iniwan ito sa gitna ng kalsada.

"Itulak n'yo yan letche! Ayaw n'yong magpadaan! Bahala kayo, solohin n'yo yang kalsada!" galit na galit n'yang sigaw.

May dumungaw pang driver. "Hoy wag mong iharang dito ang sasakyan mo!"

Pero hindi s'ya nakinig at tuloy tuloy lang ang takbo n'ya. Marami pang umangal at hinabol pa s'ya ng traffic enforcer pero mas binilisan n'ya ang takbo n'ya.

Kahit malayo pa ang hospital, mas naniniwala naman s'yang aabutin s'ya ng hapon sa traffic na yun.

Pagdating sa hospital. "Nurse nasaan ang kwarto ng sinugod na pasyente? Babae, Margarette Napag or Margarette Queenichel Napag McKenna? I'm the husband."

"Wait lang sir ha."

Naghintay naman s'ya habang ang nurse ay tinitingnan ang records ng mga pasyente.

"Sir...nagdischarge na po si Ms. McKenna," biglang sabi nito.

"Nagdischarge?"

"Opo mga 20 minutes ago lang po."

"Sinong kasama n'ya? Bakit s'ya nagdischarge agad? Okay na ba s'ya?" sunod-sunod n'yang tanong.

"No sir, hindi pa s'ya gising kasi grabe ang injuries n'ya pero mukhang ililipat po s'ya sa ibang hospital," sagot nito.

Mas lalo syang nabalisa. "Sino ang kumuha sa kanya?"

"Sa record po, si Mr. Maxwell Macaruis McKenna po. Mukhang kuya n'ya po."

Napanganga na lamang s'ya at kusang tumulo na naman ang mga luha n'ya. Okay lang kung kinuha ito ng kapatid, atleast kapatid pero syempre hindi nya maiwasang mag-alala.

"Saang hospital daw s'ya ililipat?" tanong n'ya.

Malungkot na umiling ang nurse. "Sorry sir, pero hindi sinabi kung saan."

"Bakit hindi sinabi kung saan? Hindi ba obligation ng hospital na malaman kung saan ililipat ang pasyente, kasi hospital din to nasa kanila ang pasyente sa una."

"Sorry sir pero mukhang request ni sir McKenna na wag sabihin. Hindi ko lang po sure kasi kung hindi n'ya request nasa record din po ang pangalan ng hospital na lilipatan nila."

Nanlulumo na lamang s'ya. Halos mamatay-matay s'ya sa sobrang pag alala sa asawa n'ya then pagkarating sa hospital hindi na n'ya pala ito maabutan. At ang masaklap pa hindi na n'ya alam kung saan ito puntahan.

Lumabas s'ya ng hospital na yun at tinawagan si Dominic. Pero hindi ito sumagot sa kabilang linya. Ilang beses n'yang tinawagan pero hindi ito sumasagot.

Sa loob ng sasakyan pinalo n'ya ang manibela. "Not now, hindi to panahon ng biro, Dom!"

Tumunog ang phone n'ya at may mensahe ito. "Matapos mo akong patayan ng phone kanina, tatawag-tawag ka?"

"What the fuck? Nakuha mo pa talaga magbiro? Gagō na to..."

Inis s'yang nag type at sinend ang mensahe. "Naaksidente si Marga."

Pasayaw-sayaw ang paa n'ya sa sobrang pagkabalisa habang ang luha n'ya ay parang gripong tumutulo mula sa mga mata n'ya. Maya-maya tumunog ang phone n'ya tumatawag si Dom.

"San..."

"Tangina anong sabi mo?!" bulalas nito sa kabilang linya, halos mabingi pa s'ya.

"Tulungan mo ako. Hindi ko mahanap si Marga."

"A--Ano? Ang sabi mo naaksidente tapos ngayon hindi mo mahanap? Insan ang naaksidente sa hospital dinadala, dun ka pumunta!"

"Galing na ako dun."

"Oh so dapat turuan pa kita kong saang kwarto s'ya puntahan?" pamimilosopo nito pero bakas sa boses ang pag-alala.

"Tinawagan ako ng Alvatar Hospital na dun sinugod si Marga."

"At nasaan ka ngayon?"

"Nandito sa labas ng Hospital."

"Alvatar?"

"Oo," sagot n'ya.

"San, pumasok ka sa loob tanungin mo kung nasaan ang asawa mo. Bilis kailangan ka na nun—"

"Ginawa ko na at sinabi ngang discharge na may kumuha sa kanya, nilipat s'ya sa ibang hospital."

"May...may kumuha?"

Tumango s'ya kahit hindi nito nakikita. "Kuya n'ya."

"Edi puntahan mo sa nilipatang hospital."

Umiling s'ya. "Hindi sinabi kung saang hospital, insan e." Nanahimik ito sa kabilang linya. Humikbi lamang s'ya. "Anong gagawin ko? Malubha raw ang kalagayan n'ya. Mababaliw ako nito kung hindi ko s'ya makikita."

Narinig n'ya ang buntong hininga nito sa kabilang linya. "Okay...gagawa ako ng paraan. Malalaking tao tong mga McKenna hindi to madaling itrack pero I'll do my best hindi lang ako mangangako, San ha."

Pagkababa n'ya ng phone, napahilot na lamang s'ya ng mga mata n'ya at umiyak sa manibela n'ya. "Babe nasaan ka ba?"

Mali ang kumagat s'ya sa plano ni Cindy. Dahil dun napahamak ang buhay ng asawa n'ya. Umuwi na lang muna s'ya sa bahay n'ya at nagpadala ng utos sa mga pinagkakatiwalaan n'yang tao. Pinapahanap n'ya ang asawa n'ya at pagsapit ng hapon nakatanggap s'ya ng tawag kay Dominic.

"Hindi ako nakakuha ng impormasyon about kay Marga pero may isang private jet ng McKenna na lumipad papuntang US. Malakas ang kutob ko, dinala dun ang asawa mo para ipagamot," sabi nito.

"Kung ganun pupunta ako ng US," atat n'yang sabi.

"Sasama ako. Delikadong tao si Maxwell, basi sa ibang impormasyon na nakalap ko tungkol sa kanya. Baka galit yun sa'yo at pag-initan ka."