Chapter 16

"Oy, ano 'yan, ha?"

Ngumisi sila Yvex nang makita ang kamay namin ni Kairus na magkahawak. Sinubukan ko itong alisin pero mas hinigpitan lang ni Kairus ang pagkakahawak sa kamay ko.

"Bold ba 'yan?" Tanong ni Ymara at lumapit pa sa'min ni Kairus upang tignan ang kamay namin nang mabuti. "Kung 'di 'yan bold, 'di ako interesado."

"Gago ka Ymara, bastos mo," sambit ni Angelica. "Bakit magka-holding hands kayo, ha?! Nagdadate ba kayo nang 'di namin alam?"

Tipid na ngumiti si Kairus bago sumagot. "We're dating now."

"Ano?!" Nanlaki ang mata ni Astrid nang sabihin 'yon ni Kairus. "Date?! Tama ba 'yong narinig ko? Gago ka Tryze, umalis ka lang para hanapin si Kairus tapos nagdadate na kayo ngayon?"

"Sana sinaksak niyo nalang ako," bulong ni Melissa at umirap pa.

Alangan akong ngumiti sa kanila. "Ano... mahabang kwento."

"I-chika mo!" Pamimilit ni Xenia. "Grabe ka na, Lord. Anak mo rin naman ako..."

"'Wag na," ngumisi si Kairus.