Chapter 45: Facing the Present

"Masyado na kitang naabala baka magalit sayo si Rafael. Sige na puntahan mo na siya sa baba." Umiwas ng tingin si Ginang Letisha habang nanginginig ang kamay.

Humakbang ako malapit sa kanya at ginaya siya sa kanyang kama. "Magpahinga na muna po kayo. Tatawagin ko na lang po si Rica." Tumango siya at sumandal sa kama. Tumalikod na ako at pahakbang sa pinto nang may maalala. "Alam ko po na wala ako sa posisyon na sabihin ito pero…" Inangat ko ang ulo ko at tiningnan siya sa mga mata. "Gaya po ng mga bulaklak na daisies inosente at dalisay po kayo. Wala kayo kasalanan sa nangyari noon kaya huwag niyo pong parusahan ang sarili niyo." Binuka niya ang bibig pero hindi nagsalita. Tumikhim ako at nagpatuloy. "Isa po kayong ina at hindi ko alam kong gaano kasakit mawalan ng anak pero sa tingin ko po…. Mahihirapan po ang anak niyo kong nararamdaman niya ang pighati niyo."

Umiling siya at pumikit. "Sana nasa mabuting kalagayan siya." bulong niya sa hangin.

"I hope you can face the present." b