Chapter 49: Can I fix the mess?

Sa kalahating oras na sinuklay ko ang balahibo ng kabayo nawala ang lungkot at inis ko. Hindi ako makapaniwala na takot na takot ako sa puting kabayong ito noon pero ngayon tuwang-tuwa ako sa kanya.

"Salamat!" Masayang kong sabi habang naghuhugas ng kamay sa gripo sa gilid nito. Pinunasan ko ang kamay ko at ang mukha. Pagtingin ko sa labas ng bahay na ka off na lahat ng ilaw. Siguro naman hindi ni-lock ni Rafael ang pinto kung hindi tatakas na talaga ako.

Paakyat pa lang ako sa hallway ng biglang umilaw sa tabi ng mga bulaklak. Napahinto ako at tumingin sa paligid. Nakarinig ako ng yabag palapit sakin. Hindi na ko nag-aksaya ng oras at tumakbo sa loob ng bahay.

"Wait!" Hinila ko ang pinto at sinara ng malakas. Huminto ako habang hingal na hingal. Ang lapit lang ng tinakbo ko pero ang lakas ng tibok ng puso ko. "Diane! Open the door!" Nanlaki ang mata ko. Si Rafael ang nasa labas. Yumuko ako at binuksan ang pinto. Hindi ako makatingin sa kanya. Tumalikod na ko at hindi na lumingon.