Kabanata 127

Nang dinala na nila si Lovi sa ospital, tuwang-tuwa ang ama ni Easton nang malaman nilang buntis nga si Lovi, at isang himalang hindi siya nakunan.

“Thanks god that she’s safe—and our baby too.” Tumutulo ang mga luha ni Easton dahil sa sobrang tuwa niya habang hawak-hawak niya ang kamay ni Lovi bago ito hinagkan.

Nakangiting tinapik-tapik ng ama ni Easton ang kanyang balikat.

“You’re going to be a father, son. Be good to your wife, please lang—unang apo ko ‘yan. Narinig mo naman ang sinabi ng doktor, ‘di ba? Hindi siya puwedeng ma-stress, dahil naging maselan na ang pagbubuntis niya dahil sa nangyari. Don’t forget that, son.” Paalala muli ng kanyang ama.

Tumango-tango naman si Easton. “I will, dad.”

“O s’ya bantayan mo muna ang asawa mo rito—huwag kang aalis. Lalabas lang ako para tawagan ang mommy mo at ibalita sa kanya ito. Siguradong matutuwa ‘yon.”

Lumabas na ang kanyang ama at silang dalawa na lamang ni Lovi ang naiwan sa loob. Tulog pa si Lovi dahil kailangan muna raw nitong mag