CHAPTER 143

“COME on, sumama ka sa'kin. Tutulungan kitang matanggal ang takot mo,” masuyong wika ni Knives at saka binuhat si Lalaine palabas sa kwarto. “Don't be afraid. Leave everything to me,” dagdag pa nito habang palabas sa kanilang suite.

Tila bata namang nakayupyop si Lalaine sa matipunong dibdib ng lalaki, at ang init na nagmumula sa katawan nito ay nagdulot sa kan'ya kagaanan.

Malinaw pa sa kanyang balintataw ang pagsagip ni Knives sa kan'ya kanina. Mistulan itong anghel na bumaba sa lupa para tulungan siya sa mga demonyo.

Mabilis na umalis ang isang itim na SUV sa parking lot ng building na minamaneho ni Knives. Si Lalaine ay nakaupo sa tabi nito, sa passenger's seat at nakabalot ng manipis na kumot.

“Kung inaantok ka, umidlip ka muna,” ani Knives kay Lalaine nang sulyapan niya ito na nakayupyop sa kanyang tabi.

Hindi naman makatulog si Lalaine ng mga sandaling iyon kahit gustuhin niya. Sa t'wing pumipikit kasi siya ay nakikita niya sa kanyang isip ang nakaka-trauma na sinapit niya kani