Chapter 2

Isang linggo ang lumipas nang tumawag si Khris sa ate Katherine niya.

Nakahanap na ang mama nila ng magiging condo ni Khris pero nakareserba pa lang dahil kailangan pa ng isang linggo bago makaalis ang dating nangungupahan. Kaya kinailangan niya pa ring makitira sa ate niya.

Habang ang kanilang ina naman kasama ng asawa nito ay bumyahe na sa karatig probinsya dahil may bibisitahin na mga kaanak. Ayaw nilang maiwan si Khris nang mag-isa sa bahay kaya makikitira muna ito sa bahay ng kanyang ate sa loob lamang ng isang linggo.

Pinindot niya ang doorbell ng bahay ng kanyang ate. Isa itong marangyang bahay sa gitna ng lungsod. One-story house lang iyon pero malapad. Dahil nasa sentro ng lungsdo ang negosyo nila, mas pinili nilang tumira doon upang hindi na maglaan ng mahabang oras sa biyahe.

Ilang sandali ring naghintay si Khris sa labas bago bumukas ang maliit na p***o ng gate. Nakangiti siyang sumalubong, inaakalang ang kanyang ate ang magbubukas, ngunit ang guwapo niyang bayaw ang bumungad sa kanya. Saglit siyang natigilan pero hindi nagpahalata.

“Magandang araw po, Kuya David. Wala po ba si Ate Kath?” magalang niyang bati habang hindi makatingin ng diretso rito.

Itinaas ni David ang suot niyang salaming panlaban sa asul na ilaw at pinagmasdan ang kanyang hipag. Ganap na itong dalaga ngayon. Ilang taon na rin nang huli niya itong nakita. Namumukod ang ganda nitong taglay ng isang mestisa, at kapansin-pansin din ang hubog ng katawan nito. Hindi siya makapaniwalang ang makulit na bata noon ay lumaki nang ganito ka nakakaakit.

“Oh, Khris? Ikaw na ba iyan? Ang laki mo na pala. Halos hindi na kita nakilala," kalmadong sabi ni David, pero sa loob-loob niya ay hindi niya maiwasang mamangha sa laki ng pinagbago ng kanyang hipag. "Ang tagal na rin nating hindi nagkita. Halika, pumasok ka.”

Binuksan niya nang maluwag ang p***o at pinapasok ang hipag. Maagang umalis si Katherine para mauna na sa opisina nila dahil may appointment ito sa isang kliyente, samantalang alas-diyes pa siya aalis upang makaiwas sa matinding traffic.

Tinutulungan ni Katherine si David sa negosyo nila. Bagong sikat lang ang negosyo nila. Kaya hands-on pa silang mag-asawa.

“Sinabi ko po kay Ate Kath na makikituloy muna ako rito ng isang linggo. Hindi ko lang alam kung nasabi niya po sa inyo,” sabi ni Khris at halatang nahihiya ito. Hindi sila gaanong malapit ng kanyang bayaw dahil palaging abala ito sa trabaho at bihirang makadalaw sa bahay nila sa probinsya. Isa pa ay nakakailang ang kagwapuhan nito.

“Oo, nasabi na niya. Hindi ko lang inakalang ngayon ka darating. Iyong kuwartong iyon ang para sa'yo." Tinuro ni David ang isang guest room. "Ilagay mo na ang mga gamit mo at magpahinga ka. May makakain naman sa kusina. Huwag kang mahihiya. Aalis na rin ako papuntang opisina.”

Pagkasabi niyon ay kinuha ni David ang kanyang cellphone at laptop saka naghanda nang umalis.

“Ihahatid ko na po kayo sa p***o.” Mabilis na sumunod si Khris upang maihatid ito hanggang p***o. Sanay siyang sinisiguradong nakakandado ang p***o kapag naiiwan sa bahay dahil iyon ang itinuro sa kanya ng kanyang ina mula pa pagkabata.

Bahagyang nagtaka si David na hinatid pa siya ng kanyang hipag hanggang sa pintuan, ngunit hindi niya maikakailang natuwa siya. Pakiramdam niya'y para siyang asawang inihahatid ng sariling maybahay papasok sa trabaho. Pinilig niya ang ulo para alisin ang mga kaisipang iyon.

'Ano bang iniisip ko...' saway niya sa sarili.

Pagkaalis ng kanyang bayaw ay mabilis na isinara ni Khris ang p***o.

“Hay naku! Grabe naman. Bakit ganoon kagwapo si Kuya David? Nakakailang tuloy...” bulong niya habang namumula ang mukha habang naglalakad na papunta sa kwarto niya.

Para itong isang bida sa Korean drama. Hindi niya mapigilang mapangiti sa tuwing maaalala ang mukha nito. Matagal silang hindi nagkita kaya nagulat siya nang makita niya ito kanina. Pinigilan niya lang ang sarili at halos hindi makatingin sa bayaw niya.

Nagpagulong-gulong siya sa kama habang paulit-ulit na naiisip ang kanyang bayaw. Bigla tuloy niyang naisip na mas gusto na niyang manatili rito kaysa lumipat agad sa condominium malapit sa unibersidad.

'Ang sama ng iniisip mo, Khris! Bayaw mo 'yon, asawa ng ate mo.' Natampal niya pa ang sariling noo para maalis sa utak niya ang mga masasamang naiisip tungkol sa kanyang bayaw.

Pagsapit ng gabi, umuwi si Katherine mula sa negosyo nila kasama si David. Nasabi na kasi nito sa kanya na dumating na si Khris. Dahil sa dami ng kanyang trabaho ay muntik na niyang makalimutang darating ang kanyang kapatid. Mabuti na lamang at naihanda na niya ang kuwarto nito.

"Sinabi kong magpahinga muna siya sa kwarto niya," sabi ni Dabid habang papasok sila ng bahay.

Wala na rin yata ang mga katulong dahil on call lang ang mga ito.

“Gising na kaya si Khris?”

Tahimik at madilim ang silid kaya inakala niyang natutulog pa ito. Nang buksan niya ang p***o, nakita niyang naka-bra at panty lamang ang kanyang kapatid habang natutulog.

“Kaya pala ayaw kang iwan ni Mama na mag-isa sa bahay...” sabi niya habang napapailing at nakatingin sa kapatid na hindi man lang nag-abalang gumamit ng kumot.

Naalimpungatan si Khris nang marinig ang boses ng kanyang ate kaya dahan-dahan siyang bumangon, halatang antok na antok pa. Napagod siya sa byahe. “Ate Kath, nakauwi ka na pala?”

“Naku, ikaw talagang bata ka. Paano ka nakakatulog nang ganyan ang suot mo? Halos wala ka ng saplot,” hindi makapaniwalang tanong ni Katherine sa kapatid. Habang siya naman halos hindi makayanan ang lamig ng aircon.

Kasunod ni Katherine si David. Nang marinig niyang sinabi ng kanyang asawa na halos walang saplot ang kanyang hipag, natigilan siya sa kanyang kinatatayuan. Hindi niya alam kung bakit biglang may kung anong umusbong na emosyon sa kanyang dibdib.

Halos walang saplot...

Napapikit siya at pilit na pinakalma ang sarili bago mabilis na umatras at dumiretso sa silid nilang mag-asawa na nasa kabilang kwarto lang. Bagama't gusto niyang sumunod at silipin ang hipag, pinigilan niya ang sarili. Baka kung ano pang isipin ng dalawa kapag ginawa niya iyon.

Mula sa loob ng kuwarto ay naririnig niya ang masayang pag-uusap ng magkapatid. Gusto sana niyang sumali sa kanilang usapan, ngunit mas mabuting huwag na muna. Hindi pa kumakalma ang kung ano mang emosyon na iyon na bigla na lang niyang naramdaman.

“Hay...” mahinang buntong-hininga niya.