"OFFICE VISIT"

KINABUKASAN ng before lunch ay nasa office na ako ni Marius. Hindi naman ako nahirapan dahil sa entrance pa lamang ng building kilala na ang ng mga guwardiya. Sinabi ko lang ang pangalan ko sa kanila gaya ng instruction na ibinigay sa akin ni Marius.

“Samahan ko nalang po kayo, Ma’am sa office ni Sir,” iyon ang mabait pang alok sa akin ng lady guard na naroroon.

Tumango ako bilang pagsang-ayon sa gusto nitong mangyari. Nasa pinakaitaas at pang anim na palapag ng gusaling iyon ang opisina ni Marius. Sa may lobby kung saan inabutan ko ang isang lalaking sa tingin ko ay nasa pagitan ng twenty-one to twenty-two years old. Naisip ko sa puntong iyon na mabuti na rin at lalaki ang assistant ni Marius. Dahil kung sakali, well. Noon ako wala sa loob na napangiti nang maalala kong tinawag niya akong babaeng selosa nang unang beses niya akong dalhin sa unit niya.

“Hello, good morning,” bati ko para kunin ang atensyon ng lalaki na nakita kong abala sa harapan ng computer nito.

“Ah, good mornin