chapter "7"

Nakasuot ako ng apron ngayon habang seryosong minamata ang niluluto ko. Ang dalawang bata nama'y nasa mesa at masayang inaabangan ang niluluto ko. Maging ang ibang kasambahay ay naki-upo na rin at nanood.

Ilang oras din ang tinagal namin bago ko nakuha ang loob ng mga bata alam kong hindi pa lubos pero paunti-unti'y nagugustuhan din naman nila ako.

"I want fried chicken!" Magiliw na sigaw ni Gav at tumayo pa sa inuupuan nito

"Ano ba Gav! Bumaba ka nga riyan, observe your manners!" Sita ni Amelia at hinila ang damit ng kambal nito pababa.

"Ayaw! Gusto kong mag-watch sa niluluto ni Mama." Natigilan ako sa paghalo dahil sa tawag niya sa akin. Nakakapanibago pero sobrang sarap sa tenga. Napailing nalang ako at binaba ang sandok, lumapit ako kay Gav at kinarga ito

"You should listen to your sister, Gav." Pangaral ko na kinanguso nito, napataas naman ang isang kilay ni Amelia at pinagtiklop pa ang dalawang braso.

"But I wan