Chapter 27.2

Pagkalabas nila ng pinto ay kaagad na sinundan ni Cathy si Ceazar upang komprontahin. Gusto niyang malaman ang dahilan kung bakit bigla na lamang nagbago ang plano nito dahil ang unang plano nila ay kukuhanin nila ang lahat ng kayamanan ng pamilya Silvestre at wala pa silang nakukuha kung tutuusin.

“Kailangan nating mag- usap Ceazar.” mariing sabi niya rito at sinundan niya talaga ito hanggang sa kusina.

Pinanuod niya kung paano ito nanguha ng softdrinks in can at bago nito buksan iyon ay tinapunan siya nito ng tingin.

“Mag- usap? Wala tayong dapat pag- usapan Cathy.” malamig na tugon nito na ikinapalnlaki ng kaniyang mga mata.

“Anong wala? Bakit bigla na lamang nagbago ang plano mo Ceazar? Tapos diba ang pangako mo sa akin ay dalawa tayo na aalis ng bansa pero bakit si Vena ang binabalak mong iaalis rito at hindi ako?” punong- puno ng hinanakit na lintaya niya rito.

Lumagok muna ito mula sa hawak nitong softdrinks at pagkatapos nitong uminom ay nagpunas pa ito ng bibig at pagkatapos