"CHAPTER 03"

"ALLISON P.O.V"

Hindi pa man ganap na sumisikat ang araw ay naisipan ko ng bumangon upang ipagtimpla ng

gatas ang aking prinsipe na ngayon ay payapang natutulog sa aking tabi. Hininaan ko na rin ang aircon dahil baka manigas na siya sa sobrang lamig ng buong lugar.Humalik rin muna ako sa kanyang noo at maingat na tumayo upang hindi makagawa ng ingay.Pero bago paman ako ganap na makalabas ay bigla nalang akong napatingin sa cellphone ko ng bigla itong magring ng malakas.Nataranta ako dahil gumalaw ang baby ko. Kinuha ko agad ang cellphone at hininaan ang volume nito, mabuti na lamang ay hindi nagising ang bata.

UNKNOWN NUMBER CALLLING +639xxxxxxxx............

Lumabas ako ng pintuan bago ko ito sagutin. "Hello, Sino po sila?" magalang na tanong ko.

"Hi Ms. Allison Del Fierro, This is Mary Katie of Sandoval Corporation. We are inviting you to take a special interview for the position of Personal Assistant. We are very excited to meet you. Please be with us at exactly 11 Am. Thank you so much and have a nice day."

"Po?" Hindi paman nagsisink-in ang mga sinasabi niya ay pinatay na niya ang tawag.

Totototototttttttttttt..................

"Ah basta hindi ako pupunta, baka kung anong gawin nila sakin pero sayang din yun huhuhu."

"Sino bang kausap mo diyan allison? Nababaliw kana ba?" Lumingon ako sa nanay ko na kanina pa pala ako pinapanuod mula sa may hagdanan.

"Ah eh... Tumawag po kasi yung Sandoval Corporation, pinapapunta po ako doon for interview daw po.” Nakakamot na sabi ko.

"Sandoval? Iyong kalabang kompanya ng dati mong pinapasukan?" Tanong niya na parang may malalim na iniisip. Napabuntong-hininga nalang ako dahil pinaalala na naman niya sa akin kung gaano kabantot ang kumpanyang pinapasukan ko dati. Puro pagpaparami ng lahi ang inaatupag ng mga tao doon. Nakakadiri...

"Opo, Iyon nga po yun." sabi ko at mabilis na dumiretso sa kusina upang magtimpla ng gatas.

"Ano pang hinihintay mo, mag-asikaso kana. Trabaho na ang lumalapit sa iyo tatanggihan mo pa?" Panenermon na naman ng nanay ko. Ni hindi nga niya alam kung anong ginawa ko kahapon para ipatawag nila ako ngayon. What if hindi work yun? Isasalvage na pala nila ako? Ang Oa masiyado. Pero deep inside gusto ko din kasi magtrabaho doon dahil magandang opportunity yun hindi lang para sakin kundi para na rin sa anak ko.

Nakapagdesisyon na ako... Pupunta ako.

"Ma, ikaw na munang bahala kay Drake." Tumango naman ang nanay ko.

Mabilis akong tumalima at agad na pumasok ng Cr. Habang naliligo ay iniisip ko parin kung anong mangyayari sa araw na ito. Sana naman ay maayos ang kahihinatnan nito.

Nagbihis ako ng maayos, isang formal attire na palaging sinusuot ko tuwing nag-aapply. Iniwan kong nakaladlad ang buhok ko , naglagay ng natural na lipstick-iyong hindi gaanong mapula and viola ang ganda ko.Hindi rin naman halata na may anak na ako dahil pagka-panganak ko ay agad rin namang bumalik ang katawan ko sa dating hitsura nito. Hindi ko rin naman pinabayaan dahil lagi akong tambay sa gym noong mga nakaraang araw.

"Angelo , pahiram naman ng kotse mo." Naka-pout na sabi ko ngunit inisnob ako ng kapatid ko. Busy ito sa paglalaro ng mobile legend.

"S-sige na." Pangungulit ko pero inismiran lang ako ng loko.

"Ayoko nga, Kaka-paayos ko lang nun baka kung saan mo na naman ibangga- tsk!" Masungit na sabi niya.

"Hindi na.. Sige na, libre kita ng skin mamaya." Nakita ko ang pangingislap ng mga mata niya sa sinabi ko.

"S-sure ba yan ?" Paniniguro niya na tinanguan ko naman habang nakataas ang kanang kamay na parang sinasabing "pangako".

"Sige, Ingatan mo yan ha! " Sabi niya sabay itcha sakin ng susi na nasalo ko naman. "Thank you brother."

Patakbo kong tinungo ang garahe dahil ayoko namang malate. May kasalanan na nga akong ginawa kahapon dadagdagan ko pa. Mabilis ko itong pinaandar at wala pang 30 minutes ay nakarating na ako sa Sandoval Corporation. Mabuti na lamang ay hindi gaanong malayo ang lugar nito mula sa aming tinitirhan.Sa Legazpi Village Makati City lang kasi kami nakatira at ito namang kompanya ay nasa Poblete St. Binondo Manila lang. Mabuti na rin ay hindi ako naabutan ng traffic pero alam ko mamayang hapon sa kalsada na naman ako tatambay dahil sa traffic.

Papasok palang ako ng malaking building ng bigla nalang bumitaw ang takong ng sandals ko. Kamalasan na naman!

Luminga-linga ako at nakita ko ang iilan na nakatingin sa akin habang natatawa.Wala tuloy akong nagawa kundi kunin ang sandals at maglakad ng nakayapak. Inirapan ko nalang sila at mabilis na pumasok ng elevator.

Tiningnan ko rin ang cellphone ko ng bigla itong magvibrate. 1 MESSAGE FROM UNKOWN NUMBER +63999xxxxxxxx...

"18th Floor Miss. Thank you!"

Huminga ako ng malalim at mabilis na pinindot ang 18th floor. Antaas naman ng building na to.Hindi ba nalulula ang mga nasa taas?Mabuti na lamang ay mag-isa lang ako kaya hindi na rin masiyadong nakakahiya kahit naka-paa pa ako. Hindi ko maiwasang mag-isip sa anak ko, ilang oras palang naman simula ng malayo ako sa kanya ay namimiss ko na kaagad siya.

Tingggggg..... (18th floor)

Palabas palang ako ng bigla akong makaramdam ng hilo. Ang taas naman kasi nitong building. Mabuti na lamang ay may sumalubong sa akking isang napaka-tangkad at napaka-gandang babae.

"Hi Ma'am , I think you are Ms. Allison?" Nakangiting sabi niya sa akin.

Ngumiti ako pabalik at bahagyang itinago ang sandals na hawak ko sa aking likuran.

"Hindi ka makakalakad ng maayos kung isa lang ang gagamitin mong sandals. Here! " May inabot siya sa aking isang supot at nagulat ako ng makitang isang pares ito ng sandals.Ang mas nakakagulat dito ay ang brand na nakasulat sa box.

Amina Muaddi Belgium PVC Clear Transparent Buckle Crystal Embellished Pumps Glass 95MM Heel Size 37.

"No, Hindi ko po ito matatanggap ma'am. Ang mahal po." Nahihiyang sabi ko pero ngumiti lang siya.

"Gift yan Ma'am from our Boss. Ako po ang mapapagalitan if ever di niyo yan kunin." Tila kinakabahang sabi niya.

"Sigurado ka? Ang galante naman ng boss niyo." Sabi ko pa habang sinisipat ang napakagandang sandals sa loob.

"Sige na Ma'am suotin niyo na yan dahil malelate na tayo." Sabi niya kaya napatingin ako sa orasan. 5 minutes nalang pala bago mag 11. Dali-dali ko itong sinuot at talaga namang natuwa ako dahil ang ganda na nga saktong-sakto pa ang sukat sa akin.

Kahit malasin ako sa araw-araw kung may swerteng kapalit ay why not diba?