17

Mabilis ang mga pangyayari. Ni hindi ko namalayan ang ginawa niyang paghila sa'kin. Basta ang alam ko lang ay nasa loob na ako ng sasakyan niya ngayon. Hindi ako makatingin sa kanya. Nasa labas lamang nakatuon ang aking atensyon. Tinatahak namin ngayon ang madilim na kalsada. May pag-ambon sa labas dahilan para magkaroon ng mga butil ang bintana. Hindi ko alam kung bakit pero muli na naman akong nakaramdam nang pagkailang. Yung tipong natatakot ako sa mga ikikilos ko sa kanyang harapan. Hindi ko maibuka ang mga bibig ko sa hindi ko maipaliwanag na dahilan.

"Bakit na sa bar ka? It's already 8, gabing gabi na para sa katulad mo." Pinasadahan ako nito ng tingin. Dahilan para mapalunok ako.

"S-Sir, pangit po yata kung umaga ako pupunta," sagot ko.

Halos mapangiwi ito at maya maya lang ay muli akong tinignan. Kahit na nasa labas ang aking atensyon ay ramdam ko pa rin ang kanyang pagkunot.

"Wag mo'kong sinasagot