Chapter 20.1: Explanation

KAAGAD na nagpahatid pabalik sa mansyon nila sa West Carolina si Venus kinabukasan. Wala na naman sa kanya ang kuwentas dahil nasa kamay na ito ng Black Assassins Cluster kaya wala ng dahilan pa para malagay sa kapahamakan ang buhay nila ng kanyang anak upang mangailangan pa ng tulong galing sa iba. Bukod dun, ayaw muna niyang makita si Mathis simula noong hinalikan ito ni Scallenor kahapon. Kung hindi pala siya lumabas ng silid at sumunod para ibigay kay Idris ang nakalimutan nitong flash drive, hindi niya sana makikita ang paghahalikan ng dalawa.

"Vee..." Tinawag siya ng kanyang kapatid at napatingin naman siya sa lalaki. Nagmamaneho ito ng kotse pabalik sa West Carolina. "Hindi naman daw sila naghalikan. Si Scallenor ang humalik sa kanya—"

"Eh bakit hindi niya pinigilan ang babaeng yun?" Pinutol niya sa pagsasalita ang kanyang nakakatandang kapatid at saglit siyang napatingin sa side mirror ng kotse. Malayo-layo na rin sila mula sa gubat na pinang-galingan at pinag-taguan nila. "Pa