0002: Tanan

Misha’s POV

Umuwi ako sa bahay na lugmok na lugmok si papa habang nakaupo sa sala. Ang saya-saya ko pa naman kasi kakatapos ko lang makipag-bonding sa mga kaibigan ko.

Napatingin tuloy ako kay mama para magtanong kung anong nangyari sa kaniya. Sinabi niya na niloko si papa ng mga supplier sa mga farm namin. Halos milyon-milyon ang nalugi sa amin kaya naman ngayong araw lang din, lima sa mga malalaking farm namin ay nakasanla na. Hindi na raw alam ni papa ang gagawin para mabawi ang lahat ng ‘yon. Daig pa nito ang natalo sa sugal. Masyado siyang nagtiwala sa mga taong ‘yon na mga scammer pala.

Lumapit ako sa kaniya. Ngayon ko lang kasi nakitang ganitong si papa. Siya kasi, madalas masaya lang, palangiti at maingay kapag masaya siya. Ngayon, tulala at parang sinukluban ng langit at lupa.

“Papa, huwag ka nang malungkot diyan. Makakaisip din tayo ng paraan para mabawi ang mga nawala sa atin,” sabi ko sa kaniya nang tabihan ko siya sa sofa.

Tumingin siya sa akin at saka ngumiti. “Mayroon na nga akong naisip, anak,” sagot niya sa akin. Tama nga ako ng hinila, mabilis lang itong malulusutan ni papa kasi matalino at madiskarte rin siya sa buhay.

“Matalino ka talaga papa. Pero, anong solusyon po ba ‘yang naisip niyo?” tanong ko sa kaniya kasi naintriga na rin ako.

“Namatay na ‘yung may-ari ng pinaka malaking company ng luxury car sa Pilipinas. Kaibigan ko ‘yon. Nakakalungkot nga nang mabalitaan ko iyon kahapon. At alam mo ba na ang papalit sa kaniya ay ang nag-iisa niyang anak na si Everett Tani. Siya ‘yung ninong mo na sinasabi ko sa ‘yo. Ang gusto kong mangyari, paglapitin kayong dalawa. Dapat kayo ang magkatuluyan, anak.”

Napatayo ako bigla nang sabihin niya ‘yon. “Papa, seryoso po ba kayo diyan?” napataas tuloy ang boses ko. Hindi ako makapaniwalang ganoon ang solusyon na sasabihin niya sa akin.

Tumayo rin siya at saka hinawakan ang magkabila kong balikat. “Anak, iyon na lang ang tanging paraan na naiisip ko. Seryoso ako rito. Tiba-tiba ka rito kapag si Everett Tani ang napangasawa mo. Napakayamang pamilya ng mga Tani. Hindi ba’t mahilig ka sa mga magagarang kotse. Kapag siya ang naging asawa mo, lahat ng klase ng mga luxury car, puwedeng-puwedeng mapunta sa iyo.”

“Pero ninong ko kamo siya! Mayroon bang ganoon? Nagkatuluyan ang inaanak at ang ninong? Yuck! Hindi ko kayang gawin ‘yan, papa. Kung ‘yan lang din pala ang naiisip mo para mabawi ang mga nakasanla natin mga farm, tumigil na po kayo kasi hindi ako papayag!”

Magsasalita pa sana siya, pero patabog na akong lumayas sa tabi niya. Umakyat ako sa kuwarto ko para kunin ang bag, mga card, alahas at mga perang naitabi ko. Alam kong hindi titigil si papa sa kakaudyok sa akin sa kagustuhan niyang iyon kaya lalayasan ko muna sila.

“Saan ka pupunta?” tanong niya nung makitang aalis na ako sa bahay namin.

“Kay Jake, sa boyfriend ko po. Magtatanan na kami,” prangkang sagot ko sa kaniya. Iyon naman talaga ang plano ko. Mainam na rin na alam nila para matigil na siya sa kahibangan niya.

“Anak, please, makinig ka sa papa mo. Huwag kang umalis,” pigil din sa akin ni mama pero kahit sino sa kanila ay wala akong pinakinggan. Umalis pa rin ako sa bahay namin.

Tinawagan ko agad si Jake para sabihing magtatanan na kami. Pumayag naman ito pero sa isang kundisyon. Gusto niya munang matikman ako sa kama, pagkatapos ay saka na raw niya ako ibabahay. Bahala na, tapos na ako sa era ng pagiging mabait at pabebe ko. Oras na rin siguro para magpaka-bitch. Gusto ko na ring maranasang makipag-sëx. Gusto ko nang maranasang umungol ng todo sa kama. Kaytagal kong nagtimpi sa mga ganiyang eksena na kinasasabikan ko talaga noon pa man. Wala kasi akong ibang ginawa kundi ang sumunod kay mama at papa na dapat, sa tamang lalaki at tamang tao ko ibibigay ang pagkabirhen ko.

Isang taon mahigit palang kami ni Jake, madalas na niya akong ayaing mag-sëx, pero ako ang umaayaw. Palagi kong sinasabi sa kaniya na maghintay siya sa tamang panahon. Hindi ko pa kasi masabi na si Jake na ‘yung tamang lalaki para sa akin. Lasinggero, walang matinong trabaho at palaaway kasi ito. Pero, mahal ko siya. Gusto ko siya. At ang tanging paraan na lang para matigil si papa sa kagustuhan niyang ireto ako sa ninong ko ay ang pagsama ko kay Jake. Magsasama na kami, desidido na ako sa desisyon kong ito. Bahala na sa mangyayari sa amin. Gusto ko na rin ng thrill sa buhay. Matanda naman na ako. Dapat na rin akong magdesisyon para sa sarili ko. Biruin mo, thirty-years-old na ako, pero hanggang ngayon virgin pa rin ako. Ganoong katagal nanuyo ang pukë ko sa mga udyok ng mga magulang ko na dapat sa tamang lalaki ko ibigay ang perlas ng silanganan ko.

Ngayong gabi, madidiligan na ang halaman na matagal ng uhaw na uhaw. Mararanasan ko na kung paano umungol sa kama. Hindi na tuloy ako makapaghintay. Excited na ako.