Chapter 33

Inilapag niya ang bag at umupo sa kama, agad naman siyang niyakap ng malambot niyang kama. Ang dami niyang ginawa kanina sa university lalo na sa laboratory nila. Inayos niya kasama ang kaniyang kasamang isang instructor ang buong silid dahil may bagong dating na mga makina.

Mabuti na lamang at may bago silang instructor sa garments, bagong graduate ito kaya tinanggap naman agad nang mag-apply. Sa mga industrial kasi gaya nila ay halos ang hirap maghanap ng instructor, kadalasan kasi ay mga academics ang kinukuha ng mga education students.

Ewan din ba niya at bakit ilap na ilap ang mga bata sa mga vocational na major, takot yatang mapunta sa fields at ayaw talagang kumuha ng technology and vocational.

Mabilis nilang natapos ang pag-aayos dahil hindi naman sila iniwan no’ng naghatid ng mga makina. Pero sobrang na-drain ang kaniyang energy. Wala naman siyang magagawa ngunit kailangan niyang ipagpatuloy ang pag-check sa mga natambak ng test papers, gumala ba