Shadows 04: Lunch With Friends

Diane’s P.O.V.

Hindi na pumayag si Mama na bumalik pa akong muli sa club dahil kailangan ko raw munang magpahinga. Bukod sa nangyaring aksidente, kailangan ko ring pagtuunan ng pansin ang kawalan ko ng memorya.

Kailangan kong araw-araw na mag-ehersisyo at tingnan ang mga larawan na kuha sa loob ng apat na taon na maaaring makatulong sa mabilis na pagbalik ng mga alaala ko. So far, I already remembered a few necessary things regarding the past four years.

Ang ipinagtataka ko lang, kasabay ng aksidente ay nawala rin daw bigla ang telepono ko. Wala naman akong pakialam kung kinuha man ni Liam ‘yon. Pero, makakatulong din sana ‘yon sa mabilis na paggaling ko.

Nakapagtataka ring bigla na lang daw nasira ‘yong DSLR camera na bigay raw ni Liam kay David, kung kaya’t hindi raw nakuha ng kapatid ko ‘yong digital copies ng engagement photos namin ni Liam. Ki