Chapter 6

Marami ang nakisimpatya kay Maliah matapos mailabas ang nangyari, kabaliktaran naman si Ma'am Patty. Sa halip na humingi ng paumanhin dahil sa masasakit na sinabi nito'y sinisi pa siya. Hindi raw siya marunong mag-handle ng relasyon kaya siya ipinagpalit sa iba.

"Sarap ibitin ng patiwarik ni Ma'am. Bakit ba galit na galit sa iyo si Ma'am Patty? Ikaw na nga ang biktima, ikaw pa ang lumabas na masama. Ayst!" Inis na inis si Yna. Naghihimutok pa rin ang kalooban nito.

Bahagya siyang natigilan at napaisip. Bakit nga ba? Pero, wala siyang natatandaang nagawang pagkakamali rito. Ni hindi nga niya ito kilala nang lubusan. Tanging si Yna lamang ang close niya sa mga ka-office mate at ngayon ay si Donna. Nagpakawala na lang siya ng hangin sa dibdib.

"Hayaan na natin siya, kumain na lang tayo."

Kasalukuyang nasa canteen sila at sabay na nananghalian. Sumabay na rin sa kanila si Donna.

"Hindi yata marunong tumingin ng tama si Ma'am. Pero grabe ang ginawa sa iyo ng best friend mo, Maliah. Siguro'y inggit --"

Maagap niyang pinigilan ang sasabihin ni Donna. Nakita niyang paparating si Pamela, kasama nito si Jacob. Mukhang masaya ang dalawa.

"Oh, kumakain pa pala kayo. Pakibilisan lang ha, baka kasi mawalan ako ng gana," taas-kilay nitong sabi. Nakapamaywang pa, animo'y reyna.

"Tss. Hindi ba dapat kami ang mawalan ng gana dahil nandito ang ahas!" mapanuyang sagot ni Yna.

Muling tumaas ang isang kilay ni Pamela. "At sinong tinutukoy mong ahas?" Hindi talaga nagpapatalo.

"Malamang ikaw!" Lumakas ang boses ni Yna, napatayo pa ito. May history ito ng panloloko, hindi ito pinanagutan ng kasintahan dahil may piniling pakisamahan ang babaing nakilala lang sa social media.

"Awat na, Yna," pigil niya rito't hinila ang braso para umupong muli. "Kumain na lang tayo. Bilisan natin. Marami pa tayong tatapusing trabaho." Muli namang umupo si Yna at binalikan ang kinakain.

"Oo nga, Yna," segunda ni Donna. "Huwag mo nang pag-aksayahan ang higad na anacondang marites na nasa tabi natin. Nagpapakalat ng maling balita. As if namang magpapakamatay si Maliah kapag hindi binalikan." Tumirik ang mata nito, halatang naiinis din.

"What do you mean? Anong sinasabing nagpapakalat ng maling balita? Sino?"

"Ang hina mo naman palang maka-gets, Sir. Malamang na ang jowa mong ahas ang tinutukoy ko!" Inihinto ni ni Yna ang pagkain, at isinandal ang likod sa sandalan ng bangko at matapang na nakipagtitigan sa dalawa.

Pansin niya ang pagtalim ng titig ni Jacob kay Pamela. "Ano ba ang sinasabi nila? Alam mo ba ito?"

"Huwag kang maniwala sa kanila, baby. Sinisiraan lang nila ako."

Sinungaling na pala ang best friend niya ngayon...

Sabay na tumawa si Donna at Yna na ikinailing niya. "Tumigil na nga kayo," saway niya sa dalawa. "Hayaan niyo na kung ano ang gustong gawin niya."

"Sus! Masyado ka kasing mabait, Maliah. Kaya ka iniiputan sa ulo at mismong bets friend mo pa," tinig ni Yna. "Kung sa akin nangyari 'yan, mata lang niya ang walang latay."

"Ah, talaga ba? Kaya pala iniwan ka ng tatay ng anak mo!" Nakaagaw ng pansin sa ibang nandoon ang boses ni Pamela, napalingon sa kanila ang mga taong kumakain din sa canteen. Hindi talaga ito nagpapatalo. Hanggang may butas ay pilit na lulusot.

Naningkit ang mata niya, palaban talaga ito, hindi tulad niya. "FYI, Ma'am!" Tumayo ito na kuyom ang kamao. "Magkaiba ang sitwasyon natin. Kung ako iniwan, ikaw nang-ahas ng boyfriend ng iba at mismong best friend mo pa ang 'yong tinalo. And now, ipinagkakalat mo pa sa group chat na naghahabol si Maliah, saan ka kaya humuhugot ng kakapalan ng mukha? Well, shame on you!" sarkastikong litanya ni Yna.

"How dare to say that to my girlfriend?" Matalim ang titig ni Jacob kay Yna.

Hindi naman kinakitaan ng takot ang dalaga, bagkus ay taas-noo pa itong nakatitig din sa binata. "Ano rin ang karapatang panghimasukan ang buhay ng iba ng ahas mong girlfriend, Sir?"

"Baby, puwede mo bang tanggalin ang babaing 'yan sa trabaho?" Mahina pero narinig niya ang sinabi ni Pamela

Sa pagkakataong 'yon ay mabilis siyang napatayo at hinarap ang dating matalik na kaibigan. "Anong karapatan mong hilingin ang bagay na 'yan?" ganti niya rito. "Hanggang ngayon ay hindi ko pa rin maintindihan kung ano ang ikinagagalit mo sa akin, Pamela. Hindi ako nag-eskandalo sa ginawa niyo ng dati kong boyfriend sa akin, pero hanggang dito ba naman sa trabaho ay pinipeste mo pa rin ako! At bakit pati ang mga taong malapit sa akin ay pinupunterya mo? Dahil lang ba sa natamaan ka sa sinabi niya kaya gusto mo siyang mawalan ng trabaho? Nasaan ang konseniya mo?" litanya niya habang marahang inihahakbang ang paa palapit dito. "Now tell me, panganib ba ang dating ko sa iyo?" Mula sa isang payapa ay unti-unting naging mabagsik ang kaniyang mukha. Pareho lang ito ng ugali ni Ma'am Patty. Wala siyang ginagawang masama pero pilit siyang hinihila pababa.

Hindi ito nakasagot kaya't mabilis niyang nilampasan, nasagi pa ang balikat nito. Narinig niya ang pagsimpatya sa kaniya ng mga taong nakarinig sa debate nila ni Pamela.

"Go, Maliah! Nasa likod mo kami!" ani ng isang babaing naraanan niyang kumakain ng spaghetti. Spaghetti sa tanghalian?

Ipinagkibit-balikat na lamang niya 'yon at ngitian ito. Hinabol siya ng mga kasama. Nagtuloy sila hanggang sa restroom, ngunit napahinto siya nang mapagtanto ang nagawa.

"Bakit?" buong pagtatakang tanong ni Yna.

"Sayang 'yong pagkain. Hindi ko pa pala nauubos."

Nagkatinginan na lamang si Yna at Donna, at sabay na napailing.