Chapter Fifteen

Kaya ba talagang iwan ni Eleuthera ang pamilya niya sa gitna ng gulo na ‘to? Kilala nila ang mga dati niyang mga kaibigan-ang Guardians, at kung pagninilayan ay hindi malayong alam na ng mga kalaban ang tunay niyang pagkatao at saan siya nanggaling na pamilya. Madiskarte, at matatalino ang mga humahanap sa kaniya. Hindi niya matatawag na hunghang ang pagpapadala ng mga kalaban sa mga baguhan sa pakikipaglaban para harangin siya at sila Venus. Sa palagay ni Eleuthera ay sinadya ng mga 'to ang lahat para mapag-aralan ang bawat galaw at kahinaan niya, hindi na nakakapagtaka kung alam na nga nila. Nakakakilabot na pagkakataon. Sa isang pitik ng bugso ng hangin kapag siya ay umalis sa tabi ng mga taong pinapahalagahan niya ay maaring hablutin ng mga 'yon ang pagkakataon para malabanan siya sa anumang uri na gustuhin, tiyak na sisiguraduhin nila na malaki ang magiging epekto kay Eleuthera.  Ngunit nanalangin siya na hindi pa huli ang lahat at tama si Lelios. Mas mahihirapan ang