Chapter Fourteen

Walang alinlangan na pumihit si Zayn Eros pasunod kay Eleuthera. Magaan ang pagtapak ng paa sa lupa, iniiwasan ang mga dahon para huwag makagawa ng langitngit at hindi matawag ang atensyon ng dalaga. Nais niyang sundan at alamin ang gagawin ng dalaga, at mas nangingibabaw ang kagustuhan niyang makasama ito sa hindi pangkaraniwang tambol ng nararamdaman na isinabit pa ang daloy ng isip na hindi inaalis ang larawan ng babaeng Augustine.

Hindi 'yon ang unang beses n'yang humalik sa labi ng isang binibini, hindi rin ito ang unang beses na nalilito siya sa dulot nito sa kaniya. Alam niya ang kasagutan, katulad ng ibang tao sa ganitong sitwasyon ay nagkakaila siya, ibig niyang maging malinaw at mas makilala si Eleuthera bago tukuyin ang nararamdaman. Sa palagay niya ay hindi rin ito ang tamang oras para roon. 

Sa kabila ng pagpipigil ni Zayn Eros ay nais niya na malaman ang pagpapalagay ng babae sa nangyari. Gusto niyang malaman ang tunay na