Chapter Twenty-six

Habang pinanood ni Eleuthera ang mga kasamahan niya sa bahay na masayang nakikipag-usap kay Zayn Eros ay hindi niya mapigilan na mapa-irap.

Nasa kampo na dapat siya sa mga oras na ito at nagpa-punishment sa mga pasaway pero dahil sa isang order na may halong personal request sa kanya ng heneral ay narito siya at magpapaka-babysitter sa isang mas matanda at matangkad pa sa kanya.

Akala ba ni Eleuthera ay sinanay na ang lalaki ng lolo nito? 

Pagka-uwi nila galing sa States ay noon palang nagsabi ang Lieutenant Colonel na apo ito ng heneral na ikina-gulat nilang lahat. Kasama pa nga sumalubong sa kanila ang heneral. Halos mamutla ang Alpha Team dahil naiuwi nila ang apo nito na may sugat. Sa kabutihan naman na palad ay malayo sa bituka ang mga tama nito. Palibhasa ay ang iba ay mga totoy pa ang sumagod dito. Hindi nila agad nasaklolo si Zayn Eros dahil kahit sila ay nakipagbarilan at hindi nila inasahan na ang nakatalaga na protek