Chapter Twenty-two

Nang makalayo na ang bangka na sinasakayan ni Darren at ng kuya niya ay walang pasabing hinila siya ni Janus papaalis sa kinalalagyan niya na walang lakas naman siyang sumunod. Ngunit ang panghihina niya ay nabura nang matanaw niya sa hindi kalayuan ang pagdating ng mga kasamahan niyang sundalo na tumutulong na sa mga tao sa paglikas. Sa kabilang banda naman ay naabot ng mata niya ang kinikilala niyang empress at ang lihim nitong fiancee na nakaposas. 

"Nahuli na sila," hindi makapaniwalang bulong ni Janus. 

Kahit siya ay nagtataka sa kabilis na paghuli sa mga ito. Hindi sila ni Janus maglalaan ng ilang taon na pag-e-espisya sa loob ng organisasyon kung gaanon lang kadali makuha ang mga kiliti nito. Imbes na matuwa ay may tinik na bumara sa lalamunan nilang dalawa.

"Paano niyo sila nahuli?" walang prenong tanong ni Janus sa mga sundalong nakapalibot sa mga ito. 

Sumaludo ang mga sundalo bago naglakas