Chapter 17

Kanina pa palakad-lakad si Janine sa silid niya. Hinalungkat niya na ang payroll na sinasabi ni Jane at totoo na tumatanggap ito ng isangdaang libo mula sa kompanya bilang Finance Head. It's too much for a one month expense when Patrick pays everything including the maid's salaries. At pinagbibigyan ito ni Patrick sa matagal na panahon. Ganoon ba talaga ka-obsess si Patrick sa kakambal niya?

Hanggang sa ipatawag siya ni Patrick sa meeting ay aligaga siya sa maraming isipin tungkol kay Jane. Kailangan niyang malaman kung nasaan ang kapatid at kung ano ang pinaggagawa nito sa buhay. May mga kaibigan silang puwede niyang pagtanungan. Pero kailangang hindi malaman ng kapatid na nag-iimbestiga siya.

"Ma, may kailangan ho ba kayong ipabili? Pupunta kami ni Patrick d'yan pagkagaling sa office," aniya sa Mama niya nang tawagan niya ito. Gusto niyang malaman kung alam nito ang pinaggagawa ni Jane. Baka magkakutsaba ang dalawa.

"Wala naman, anak. Kung pupunta si Patrick dito, magbibi