Chapter 31

"ROCCO, umusog ka nga palayo," hindi ko alam kung pang-ilang beses ko na 'tong sinasabi sa binata. Magkatabi kami ngayon sa higaan ngunit ako lamang ang nakakumot. Magkatalikuran kami ngayon at tanging ang liwanag lamang ng buwan ang nagsisilbing ilaw naming dalawa.

"How many times do I have to tell you, Aliyah, ikaw itong panay ang siksik sa akin. Kulang na nga lang ay mahulog na ako dito kakausog mo eh," tanging saad nito at rinig na rinig ko ang marahas na pagbuntong hininga nito.

Hindi ko naman talaga gustong ipagsiksikan ang katawan ko sa kanya 'no. Malaki nga ang kama na kinahihigaan namin ngayon ngunit sa tuwing kukulog ng malakas na kung minsan ay sinasamahan pa ng matinding pagkidlat, hindi ko napapansin na napapapitlag pala ako at napapausog sa binata. Gusto ko lang talaga na nararamdaman ko siya sa likod ko dahil tanging sa ganoong paraan na lamang kumalkalma ang takot ko.

Isang beses pa akong muling napagitla at hindi inaasahang mapaatras ng higa nang isang malakas na ku