Chapter 6

HINDI mapigilan ni Naya ang mamangha ng igala niya ang tingin sa paligid ng makapasok sila ng Mama niya sa loob ng penthouse ng Ninong Hugo niya.

Sobrang laki kasi niyon, doble yata ng inuupuan nilang bahay. Hindi lang iyon, napakaganda nga din ng interior design ng loob. Naghahanap ang Ninong Hugo ng maglilinis ng bahay nito pero mukhang wala naman ng lilinisin doon dahil sa sobrang linis. Wala nga siyang makitang kahit konting alikabok sa paligid.

Hindi nga din niya napigilan ang pagsilay ng ngiti sa labi niya dahil mukhang hindi sila mapapagod doon. Wala kasi silang masyado lilinisan, magluluto at maglalaba na lang ang gagawin nila doon. Sinabi din ng Mama niya na hindi sila mahihirapan sa paglalaba doon dahil may washing machine naman daw. Hindi nila kailangan na magkamay.

Ngayon araw ang unang trabaho ng ina sa Ninong Hugo niya. At gaya iginiit niya ay sasama siya sa Mama niya kapag magta-trabaho ito doon. Naipagpaalam nga din nila iyon kay Ninong Hugo ng puntahan nila ito sa kompanya nito. At pumayag naman ito.

And speaking of Ninong Hugo, hindi siya makapaniwala na sobrang gwapo ito. Maling-mali siya sa iniisip niya noon na hitsura nito.

Ninong Hugo is tall, fair complexioned, well-built and oozing with sex appeal. Daig pa nito ang artista at modelo kilala ni Naya.

"Mag-trabaho na tayo, Naya, para matapos na tayo agad. May pasok ka pa mamaya sa coffee shop. Para may oras ka pang makapagpahinga kahit saglit," mayamaya ay wika ng Mama niya.

"Sige po," sagot naman niya.

"Ako na ang bahala sa kusina. Ikaw na lang ang maglinis ng penthouse," wika ng Mama niya sa kanya.

"Mamaya na lang po ako maglilinis, Ma. Samahan ko muna kayo sa pagluluto," suhestiyon niya.

Wala naman ng nagawa ang Mama niya kundi gawin ang gusto niya. Nagtungo sila sa kusina at hindi na naman niya napigilan ang mamangha nang makita ang mga ilang kasangkapan doon na tanging sa picture lang na makikita.

"Ano pong lulutuin nating dinner ni Ninong Hugo, Ma?" mayamaya ay tanong niya.

"Sinigang na baboy, Naya. Paborito iyon ng Ninong mo," sagot sa kanya ng Mama niya ng buksan nito ang fridge. Nang sumilip nga din siya doon ay nakita niyang punong-puno iyon. Napatingin nga din sila sa bottled beer na nasa fridge.

Mahilig din yatang uminom si Ninong Hugo.

Inilabas naman na ng Mama niya ang mga ingredient sa pagluluto ng Sinigang. At sa sumunod na sandali ay abala na sila ng Mama niya sa pagluluto at habang hinihintay ng maluto iyon ay inutusan na siya ng Mama niya na maglinis, ito na daw ang bahala doon. Nagsimula naman na siyang sundin ang inutos ng Mama niya. At dahil wala naman masyadong lilinisin ay natapos agad siya.

Mayamaya ay napatingin si Naya sa isang pinto na nakasara doon. Naisip ni Naya na baka kwarto iyon ni Ninong Hugo. Humakbang siya palapit doon para linisin din. Pero hindi pa niya napipihit ang seradura ng mapatigil siya ng tawagin siy ng Mama niya.

"Naya."

Nilingon niya ang Mama niya at sumalubong sa kanya ang magkasalubong na kilay nito.

"Ayaw na ayaw ng Ninong Hugo mo na may ibang pumapasok sa kwarto niya," imporma nito sa kanya.

"Oh," sambit naman niya. "Paano ko po lilinisan ang kwarto ni Ninong Hugo kung hindi po ako papasok?"

"Ang Ninong Hugo mo ang naglilinis ng kwarto niya," sagot ng Mama niya.

Tumango na lang naman si Naya bilang sagot sa sinabi ng Mama niya. Gusto din sana sabihin na paano niya lalabhan ang mga maruruming damit nito kung hindi niya iyon kukunin sa kwarto nito?

Umalis naman na siya sa harap ng pinto para maghanap ng ibang gagawin. Hanggang sa mapatigil si Naya at napatitig sa dalawang picture frame na naka-display. Ang isang picture frame ay mukha ni Ninong Hugo at isang may edad na babae. Nasiguro niyang ang ina iyon ng Ninong niya dahil may pagkakahiwag ang dalawa. Tumigil naman ang tingin ni Naya sa isang solo picture ni Hugo.

Seryoso nga ang ekpresyon ng mukha nito na para bang napipilitan lang itong picture-an. Gayunman, kahit seryoso ay makikita pa din ang ka-gwapuhan nito.

Inalis naman na ni Naya ang tingin doon ng tawagin ng ina ang atensiyon. "Naya, tapos ka na ba?"

"Malapit na po, Ma," sagot naman niya.

"Tapos na ako sa pagluluto, bilisan mo na diyan para makauwi na tayo."

Mabilis naman niyang tinapos ang ginagawa niya. At nang matapos ay lumapit na siya sa Mama niya. Tapos na nga itong nagluto at tapos na din nitong hinagasan ang pinaglutuan.

"Tapos ka na?" tanong ng Mama niya sa kanya.

Tumango naman siya. "Pahinga muna tayo saglit at aalis na din tayo."

Habang nagpapahinga ay naisipan ni Naya na ilabas ang sticky note sa bag niya.

Sinulatan niya iyon at saka niya inilagay sa takip ng kaserola para agad na mabasa iyon ni Ninong Hugo kapag bubuksan nito iyon.

Nang makapagpahinga ay niyaya na siya ng Mama niya. Akmang lalabas na sila ng penthouse ng mapatigil siya ng may naalalala.

"Saglit lang, Ma."

Mabilis niyang binuksan ang bag at kinuhang muli ang post it note.

Muli siyang nagsulat doon at idinikit niya sa pinto ng kwarto ni Ninong Hugo.

At bago umalis si Naya ay binasa muna niya ang note na isinulat niya doon.

Ninong Hugo, pakilabas po sa susunod ang mga maruruming damit niyo para pagbalik namin ay malabhan na. Salamat po.

At nang sa tingin ni Naya ay okay na iyon ay umalis na siya sa harap ng pinto at tuluyan ng lumabas ng penthouse.