Chapter 44

Pagkatapos ng maikling programa sa reception hall, umalis din  kaagad ang bagong kasal papuntang airport. Ngayon din ang biyahe nila papuntang Hawaii.

Double purpose. Honeymoon at business. May kailangang ayusin si Astin sa isang branch ng Hotel De Astin, dahil abala din si Andy sa Malaysia para sa hotel expansion. Walang choice si Astin kaya sa Hawaii na lang sila magpulot-gata ng asawa na dapat ay sa Europe. 

Isang buwan pa naman siyang naka-leave tapos may tatrabahuhin din sa Hawaii. Napailing na lang siya. Pero kung maagang matapos ang trabaho ay itutuloy niyang dalhin ang asawa sa Greece. 

Napatingin si Astin sa asawa na mahimbing na natutulog. Nakaupo siya ngayon sa single couch. Mukhang pagod na pagod pa rin ito. Mahigit tatlong oras na itong natutulog. Private plane ng Daddy Sebastian niya