CHAPTER 19

INVITED KAMI SA EVENT na inorganisa ng pamahalaan bilang isa sa pinakamalalaking corporations ang aming negosyo. Taon-taon ay kasama ko si Daddy na dumadalo sa mga ganitong pagtitipon. Of course maraming mga foreign investors kaming nakikilala na nakakatulong upang mas lalo pang lumago ang aming networks and connections kaya never namin itong pinalalampas ni Daddy.

But this time, since nagpapalakas pa si Daddy ay naisipan kong si Omeng ang isama ko. Siguro ay paghahanda na rin ito kay Omeng para masanay itong makihalubilo sa mga matataas na tao dahil tatlong buwan ko rin itong magiging 'asawa.'

Hindi naman ako nahihiyang ipakilala si Omeng sa mga associates ko bilang 'asawa.' Alam kong maraming magtataas ng kilay. Pero hindi ko na kailangang intindihin pa ang sasabihin ng ibang tao. Ang mahalaga ay maisakatuparan ko ang goal ko.

Isang off shoulder black gown ang suot ko na tinernuhan ko lang ng malaking pearl earrings. Ang buhok ko ay itinaas ng aking hair stylist. Sinadya na