Chapter 12

Nang makarating si Stephanie sa kaniyang office ay napahilot siya sa kaniyang sentido. Nagawa niyang kalimutan ang problema niya panandalian nang makasama si Avaluan kagabi, pero ito at bumalik na naman.

Doon niya napagtantong kahit anong pag-iwas niya ay hindi mawawala ang problema niya hangga’t hindi niya ginagawan ng paraan para masolusyonan.

Napansin naman ni Wyeth ang pag-aalala niya at agad na nahulaan ang nasa isip nito. “You’re thinking too much, again, Steph,” ani niya.

“I can’t help it. Hangga’t hindi ko nasisigurado, patuloy ko ‘yong aalalahanin.”

Mahina itong natawa. “Kaya nga habang busy ka kagabi ay inaksaya ko na ang oras ko para tingnan ang tungkol sa sinabi ni Nancy.”

Napataas ang kilay ni Stephanie. “How’d you know I was busy?”

“Ayoko na lang magsalita, at huwag mo nang itanong.” Napataas ang dalawang kilay ni Wyeth. “Anyway, I didn’t find much like what Nancy said. Miski si Froilan ay nahirapang hanapin ang lahat patungkol sa kaniya pero mayroon naman kaming nahan