CHAPTER 35- BENITEZ AND SAMONTE FACE-OFF

Sa isa sa mga restaurant sa Del Carmen na rin kami naghapunan ni Tita Ariella. Dahil ang sabi niya, may isang restaurant doon na masarap magluto ng mga seafood. Iyon din daw ang paborito niyang restaurant noong dito pa siya sa Siargao nakatira.

“Did you enjoy the whole day?” tanong niya habang naglalakad kaming dalawa pabalik sa parking lot. Nakangiti akong tumango.

“Sobra po. Ngayon ko lang po naranasan ang ganito.”

Kumunot ang kaniyang noo.

“Bakit? Hindi ba kayo nagba-bonding ng Mama mo kagaya ng ginawa natin?”

I shake my head. Noong bata ako, ilang beses na akong napangakuan ni Mama na magba-bakasyon kami sa lugar na magugustuhan ko. Pero palagi siyang busy. Kundi sa trabaho, abala siya sa ibang bagay katulad nalang ng pakikipag-meet up niya sa mga dati niyang kaibigan noong nag-aaral pa siya ng kolehiyo. Kapag pinaaalala ko naman sa kaniya ang mga plano namin, palagi siyang mayroong excuses. Never siyang nauubusan ng mga palusot. Dahil bata ako, wala naman akong magawa kundi tangg