Chapter 22

Pagkarating ni Mama galing palengke ay agad ko siyang tinulungan para asikasuhin 'yung kaniyang lulutuin. Nagsaing na rin ako sa rice cooker para mas mapabilis ang pagluluto. Habang abala si Mama sa pagpuputol ng karne, ako naman ay nagbabalat ng patatas at carrots. Matapos 'yon, hiniwa ko na rin ang mga 'to.

"Ayan, may nakalimutan pala akong bilhin. Juness, bili ka nga saglit ng liver spread sa may kanto," ani Mama.

"Sige po," tugon.

Bilang masunuring anak, sinunod ko naman siya agad. Pagkalabas ko ng bahay, nakita ko 'yung anak ng kapitbahay namin na naglalaro ng luto-lutuan.

"Mimi, gusto mo bang maging chef paglaki mo?" bungad ko.

"Opo," tugon niya na wari mo'y hinahalo ang mga pinirasong dahon sa kaniyang lutuan.

"Wow, nice naman. Balang araw ay magiging magaling ka rin na chef," saad ko pa habang pinipisil ang pisngi niyang kay tambok.

"Salamat po."

Nagpatuloy na ako sa paglalakad hanggang sa makarating na 'ko sa may tindahan sa kanto. Medyo marami 'yung taong bumibili kaya nag