Chapter 12

Nagpupuyos sa galit si Ishmael dahil alam naman ng mga katulong sa Montecarlo na bawal siya sa peanut ngunit may nakalusor pa rin. Nasa tabi lamang niya si Savannah na nakahawak sa kanyang kamay habang si Cludia ay may inggit sa mga mata nito. Marahas na bumuntong-hininga si Ishmael. Sa isip niya ay sa oras na mahanap niya kung sino ang may kagagawan nito ay hindi niya papalagpasin kahit ano pa ang mangyari.

“Sino kaya ang may gawa nito?” tanong ni Savannah sa kanyang asawa. Bakas ang pag-aalala sa mukha nito ngunit may bago sa reaksyon nito.

“Maybe, this is what Lianna's doing!” galit na sabi ni Claudia.

Halos nagtangis ang kalooban ni Ishmael kung iisipin pa lang niya na si Lianna ang may gawa noon. Ngunit paano? Bakit may lakas loob na si Lianna na lumaban sa mga Montecarlo kung isa lamang siyang basura na pinulot ng kanyang kapatid na si Emmanuel.

“Gaano ka nakakasigurado na si Lianna ang may gawa nito? Simple siyang babae at hindi halata sa kanya ang ganoon,” komento ni Savannah.