Chapter 11 (2)

Nanginginig si Lianna habang nakasakay sa isang bus palabas ng Alegria. Hindi niya alam kung bakit sobrang bilis ng kanyang puso at halos nahihirapan siyang huminga. Iniisip niya ang kanyang tatay ngunit iniisip niya na lamang ulit na baka ay nasa maayos ito na lugar ngayon.

Napasulyap siya sa bintana at nakita niya ang malagong mga puno sa lalawigan ng Alegria. Nakadagdag sa ganda nito ang mga palayan.

“Kailangan mong kumalma, Lianna. Nakatakas ka na sa mga Montecarlo,” bulong niya sa kanyang sarili. Ngunit hindi iyon nakapag-alis ng tensyon sa kanyang sarili. Halos nahihirapan siyang huminga dahil pakiramdam niya ay may unti-unting nawawala sa kanyang pagkatao.

Biglang huminto ang bus na sinasakyan nila sa mismong labasan ng Alegria. Napalunok siya ng nakita niya ang mga armadong lalaki na kumakausap sa bus driver.

“May kailangan lang kami hanapin,” sabi ng armadong lalaki. Nagpakita ito ng isang papel.

“May pinapahanap sa amin si sir Marcus na isang tao,” dagdag ng lalaki kaya tuma