CHAPTER SIX

QUEEN PEPPER

Pupungas-pungas pa ako kinaumagahan paggigising ko, alas-kwatrto ng madaling araw, araw ng linggo kaya walang pasok sa eskwela.

Hihikab-hikab pa akong gumawa ng kape pampagising ng diwa kamuntikan pa ako kumuha ng takure para dito magpakulo, naalala ko may coffee maker nga pala, at wala ako sa bahay namin.

Anong oras kaya gigising si Sir?

Sa katunayan napuyat ako dahil may babae ata sa kwarto niya kagabi at magdamag na umuungol ang babae kaya ganito na lang ako kaantok kulang sa tulog suot pa ang pares ng pajama ko at tanging hilamos, toothbrush pa lang ang nagawa ko.

Napa-iling na lang ako nang maalala ko na naman ang umaalingawngaw na boses ng babae dahil kagabi si Sir Hades, lumabas matapos ng ginawa ko sa dinning room na ikinagalit niya.

Hula ko nga sa labas na siya kumain tapos madaling araw na siya umuwi hanggang ayon na, may narinig na akong boses ng halinghing ng babae...

Mga lalaki nga naman. Tsk, tsk.

Sana lang mas malaki ang dibdib ng babaeng iyon kaysa sa akin, tss! Sagana sa ligaya si bossing kaya sigurado maganda ang gising no'n mamaya at iyon siguro girlfriend niya? Baka.

Kaya nag-handa na ako ng umagahan para anumang oras na gumising sila eh may kakainin na kaya sila. Ihahain ko na at tatakpan ko na lang sa lamesa.

Dahil mamaya pagtapos ko rito pupunta pa akong palengke mamimili ng isda at karne inutos sa akin ni Lola kahapon na isa sa gagawin ngayong araw.

Huhu, so hirap pala maging katulong, v*rgin pa ako pero mukang pagod at ngarag ata ang lal*spag sa akin, huhu! Kawawang capsicum.

Pero sa isip lang ako nag-reklamo, bawal ko isaboses dahil number one rule ni Lola, ikaw ang may kailangan ng pera kaya magtiis ka at pagtatrabahuhan ito para may kitain ka.

And that is noted, hindi lang nakasulat sa utak ko, naka-tattoo pa. Kaya don't worry Lola, kayang-kaya ko si Sir Hades kahit gaano pa siya kalaki.

Napahagikgik ako mag-isa habang kung anu-anong tumatakbo na naman sa isip ko hanggang ayos na ang kape ko at nag-kape muna ako at kumuha lang ng tinapay sa food storage at nagpalaman ng Nutella Spread sabay tulala sa kawalan at higop-higop ng kape matapos hipan.

Hipan, higop, sabay tulala at kagat ng tinapay habang nakatayo lang ako rito sa kitchen island at na dito nag-aagahan nang biglang may malagong at pang-umagang boses ang nagsalita sa likod ko.

"Bakit diyan ka kumakain?"

Sakto namang hawak ko ang tasa ng kape ko at hihigop na sana ulit nang napapitlag ako sa gulat kaya natapon ito sa kamay ko kaya napaso ako.

"Aray! Ouch!" inda ko dahil mainit pa!

Naibaba ko agad ang kape ko at napalingon ako kay Sir Hades na ang aga naman atang nagising?

"Sir! Magandang umaga!" Napapangiwi kong bati at sapo ang kamay kong napaso, hindi ko pa kasi nahihipan kanina bago ko sana hinugupin nang gulatin niya ako kaya mainit-init pa sa balat ko.

Nangunot naman ang noo niya at agad na kinuha ang kamay ko at dinala ako sa sink at itinapat sa gripo para hugasan.

"A-Ano, Sir! Ayos na, malayo naman sa bituka iyan!" awat ko na sa kanya at sinubukan na bawiin ang kamay ko pero natigilan ako nang kumuha pa siya ng tissue saka pinunasan...

Napatitig ako sa kanya sa ginawa niya habang nanalaytay sa akin ang tila boltahe ng kuryente na hindi ko lang alam kung ako lang ba ang nakaramdam?

"Namula, lagyan mo ng ointment iyan," saad niya at ibinalik niya rin naman sa akin ang kamay ko.

"Hindi na ho kailangan ng ganoon, babaw lang naman nito." Dinaan ko na lang sa tawa ang hiya at ilang habang sapo ang kamay ko na napaso at dumistansya na sa kanya.

"Toothpaste nga lang nilalagay namin dito."

Nangunot ang noo niya. "Toothpaste?"

"Oho, iyung pang-ipin?"

Ginawaran niya ako ng nawiwirduhang tingin saka siya napa-iling. "Lagyan mo ng tamang ointment iyan panay ka kalokohan." Inirapan niya ako at dumako siya sa coffee maker para gumawa ng sarili niyang kape.

"Ako na gagawa ng kape niyo." Lumapit ako sa kanya pero hinarang niya ako ng kamay niya.

"Lagyan mo muna ng ointment iyan," giit niya. "O gusto mo ako pa maglagay?" May kasungitan ata siya ngayong umaga.

Napanguso ako. Akala ko pa naman good mood siya dahil may babae siyang dinala kagabi na marahil tulog pa sa kwarto niya.

"Hindi na ho, sige na ako na. Pero nasaan ang ointment?" giit ko na may kasamang tanong. "Panay kayo sabi na lagyan ko eh wala naman kayo iniaabot at hindi ko alam saan ko makikita."

Hindi ko malaman kung gusto niya bang tumawa o mag-init lalo ang ulo sa akin dahil sa paraan paano ako sumagot kaya nahilot niya na lang ang noo, dumako siya sa may itaas ng cabinet, at may kinuha, isang first aid kit.

Ah nandoon pala...

Itong si Lola hindi sinasabi may ganoon pala rito! Kagaya nito kailangan ng first aid! Sus! Ang matandang iyon kulang-kulang kung mag-briefing.

"Nandiyan po pala! Pasensya na hindi ko alam eh." Napakamot na lang ako sa ulo habang siya na ang nag-bukas ng kit na nakapatong sa ibabaw ng kitchen island.

Ang akala ko ibibigay niya sa akin ang ointment pero nagulat ako nang kunin niya ulit ang kamay ko pero pahiklat kaya pati ako napasama sa ginawa niyang pag-hila kaya napalapit ako sa kanya.

Siya nang nag-lagay para sa akin...

Nanginit ang mukha ko at napatingin sa mukha niya at ngayon ko lang napagtanto na sobrang lapit pala namin sa isa't isa kaya nagkaroon ako ng pagkakataon titigan siya.

Ang gwapo, grabe... ang tangos ng ilong tamang-tama lang sa kanya, ang mga kilay niya makapal ganoon din pilik mata, at ang labi... dito nagtagal ang tingin ko...

Mapula na kissable pa...

Mukang matamis at malambot.

Sa pagkatulala ko rito hindi ko na namalayan tapos na rin pala siya at saglit na saglit lang lang, mas pa ang tagal ng titig ko sa kanya.

"I know I'm handsome, Pepper but don't look at me that way as if you want to eat me." He smirked and gave me a playful chuckle kaya ganoon na lang ang pamumula ng mukha ko.

Mabilis kong binawi ang kamay ko sa kanya at itinago na sa likod ko sabay tikhim. "Hindi ko kayo gustong kainin! Bakit, masarap ba kayo? Tss!" Inirapan ko pa siya at doon na siya bumalinghawit ng tawa sa akin.

Pero nagulat ako sa sunod niyang ginawa nang bigla niya na lang akong hinawakan sa magkabilang baywang ko saka ako ikinulong sa pagitan ng mga braso niya at inihilig ako sa kitchen island...

Nanlaki ang mga mata ko at nagtatanong siyang tiningnan, hindi ako nagtangkang hawakan siya, tikom ang mga braso at kamay ko. Behave, Pepper.

"Gusto mo bang malaman ang sagot?" tanong niya buhat ng mababang boses at pinagmasdan ang mukha kong napaawang ang bibig at hindi malaman ang gagawin.

"N-Nagbibiro lang po ako hindi ko—"

"Masama akong binibiro..." hindi niya ako pinatapos sa pagsasalita. "Na para bang nakukuwestyon ang pagkal*laki ko ng babaeng... tulad mo..."

Parang tinanong ko lang naman kung masarap ba siya! Kinukwestiyon ko na kaagad siya no'n?? Ang OA naman nito.

Napalunok ako. At hindi dapat ganito ang boss sa kasambahay niya. At sino ba sa amin ang nag-assume na akala niya may ibig sabihin ang tingin ko na gusto ko siya kainin??

Sinagot ko lang siya tapos ngayon...

Pero baka kapag ginawa ko ang inisip mo makalimutan mong may girlfriend ka. Pero siyempre hindi ko sinabi at hindi ko naman intensyon manira ng relasyon.

"S-Sir! Medyo layo-layo kayo ng konti, oho!" Idinaan ko sa tawa ang kaba ko. Nandiyan ang girlfriend niya!

"Iyung girlfriend niyo baka magising at makita pa tayo sa ganitong posisyon baka kung anong isipin niya!" Hindi na nga ako nakapagpigil sawayin siya.

"She's not my girlfriend, nasa ibang bansa ang tunay." Ganoon na lang ang panlalaki ng mga mata ko sa sinabi niya.

I-Ibig sabihin... hindi niya girlfriend iyung ka-segs niya kagabi?! Nagloloko siya??

Gulat akong napatitig sa kanya.

Iyung girlfriend niya nasa ibang bansa tapos ito siya may ibang babaeng inuuwi?? Parang ako ang nagpuyos para sa nobya niya...

"Did you hear us last night?" he asked, talking about the woman he slept with and the noise they made.

Tumango ako nang hindi sumasagot.

"This is one of the rules in my house we talked about yesterday..." His face get even more closer to mine.

"Whatever you saw..." His eyes went to my lips. "And whatever you heard..." Inisa-isa niya bawat stanza. "It should remain secret, and this is what loyalty means to your boss."

Muli naman akong napalunok.

Ito pala... at kaya naman pala...

Pagak akong natawa sa isip ko lang.

May kalokohan naman palang ginagawa. Kung ako sa babaeng nasa ibang bansa, hihiwalayan ko na 'to agad, wala nang patumpik-tumpik pa!

At ito ang isa sa mga kinatatakutan ko balang araw, ang makatagpo ng lalaking katulad ni Sir Hades na mukang hindi kaya makuntento sa isa, at titikim at titikim pa rin ng iba.