THE BILLIONAIRE'S NAUGHTY MAID

Queen Pepper Laurel

Nakatingala akong nililibot ng tingin ang mala-palasyong bahay kasama si Lola na pinasok namin kung saan ito naninilbihan.

Isinama niya ako rito sa bahay ng boss niya para maging katuwang sa trabaho, oo isa rin akong kasambahay na maguumpisa pa lang kasabay ng aking pag-aaral sa kursong Hotel and Management.

Kailangan eh, kami na lang ni Lola ang magkasama sa buhay, umi-edad na rin siya at dumarami na ang gastusin ko sa eskwela nagkataon naman naghahanap daw ng isa pang katulong ang boss niya para katuwang ni Lola kaya tinanong nito kung maaari bang ipasok ang apo niya at pumayag naman daw ito.

Kaya naman pala palaging umuuwing pagod ang Lola ko dahil napaka-laki ng bahay kahit na isang tao lang naman ang pinagsisilbihan niya katumbas daw ang lima na amo kung mag-utos daw ito kaya ngarag ang matanda.

Napapahiniksik ako dahil grabe ang boss nito wala man lang pakundangan sa matanda palibhasa hindi lang makapag-reklamo at pinasasahod niya. Hmmp!

"Huy!" Kinalabit ako ni Lola kaya napukaw ako. "Anong iniirap-irap mo riyan Pepper?" tanong niya sa akin nang makita niyang tumaas-taas ang kilay at umiikot-ikot ang mata kong mag-isa.

"Wala naman, Lola... iniisip ko lang na ang laki ng bahay niya tapos solo lang kayo na nagsisilbi sa kanya, ngayon niya lang talaga naisipan kumuha ng isa pa?" Suminghal ako kaya nahampas niya ako sa braso na ikinagulat ko kaya napaiwas ako.

"Lola!" iritable kong bulalas dahil medyo masakit ang pagkakahampas niya.

"Ang bibig mo," pabulong niyang saway sa akin. "Bumukod lang iyan sa mga magulang niya nito lang kinuha niya ako para kasama sa bahay kaya nga siya kumuha ng isa pang katulong dahil nga nakikita niya nahihirapan akong solong asikasuhin siya at ang bahay na ito na bagong bili niya," mahaba niya namang paliwanag sa akin kaya naintindihan ko na.

Ibig sabihin bago lang palang property ang bahay na ito ng binatang alaga niya... kaya tumango-tango na lang ako.

"Ganoon po pala... edi ang bait niya pala," saad ko kaya napailing na lang ito sa akin.

"Ikaw talagang bata ka, umayos ka ng mga sagot-sagot mo kay Hades, huh at hindi lahat ng kausap mo mo eh kaya magpasensya sa iyo."

Napanguso na lang ako at hindi na sumagot pa at iginaya na nga niya ako sa hagdanan paakyat sa pangawalang palapag nang tumambad sa akin ang sandamakmak na mga kwarto.

Bakit kaya bumili ng ganito kalaking bahay ang may-ari? Ang dami-dami pang kwarto. Siguro dahil mahilig siya tumanggap ng bisita? At balita ko rin babaero ito.

"Lola," tawag ko habang naglalakad kami at tinatahak ang pasilyo ng palapag patungo sa kwartong para sa akin.

Sabi niya may sarili daw akong kwarto, tama lang dahil ang dami-daming silid dito tapos hindi naman niya ipagagamit?

Kaya rin ako may sariling kwarto dahil mag-stay in daw ako sabi ni Lola, siya ang uuwi-uwi sa bahay dahil ayaw daw ng amo niyang walang naiiwang kasama kaya nga minsan, madalang na itong umuwi si Lola kaya ang ending ako naman ang walang kasama sa amin.

"Hmm," tugon lang nito na may lumanay pero hindi ito nag-abalang lingunin ako.

"Nabanggit niyo na bagong bili itong bahay, at muka ngang moderno, pero bakit naman ang laki eh nag-iisa lang naman ho siya?" usisa ko.

"Ang sabi niya para sa mapapangasawa niya, gusto niya ng malaking bahay para hindi raw masikip."

Mamangha ako.

Gusto niya maluwag ganun ba?

"May fiance na po siya?" tanong ko pa.

"Ang alam ko, girlfriend pa lang," tipid niyang sagot na ikinatango-tango ko girlfriend pa lang pala, maghihiwalay rin iyun.

Hanggang sa narating na nga namin ang tapat ng pinto silid ko at sinusian na ni Lola para buksan dahil naka-lock. Dulong-dulo talaga?

Pepper wag ka nga mareklamo, buti nga may sarili at maayos kang tutulugan pakain ka pa, pagalit ko sa sarili kaya iiwasan ko na simula ngayon ang pagiging reklamador ko at hindi naman hamak na mas maayos pa ang tulugan ko rito kaysa sa bahay namin.

At naalala ko pa nga pala ang sabi ni Lola bago kami pumarito nang masabi niya raw sa boss niya na kasalukuyan na nag-aaral pa ako.

Kaya nag-offer daw ito na pag nagustuhan ang trabaho ko baka pag-aralin pa raw ako kaya agad na nagningning ang mga mata ko, dahil pagkakataon ko na magpakitang gilas.

At pagkapasok namin sa silid mamangha ako dahil ang laki, malinis maayos kahit na plain wall at plain bedsheet lang ang gara na para sa akin!

"Kwarto ko ho ito, Lola?!" tuwa kong tanong at tinakbo ang kama na parang bata saka naupo at tinalbog-talbog ang sarili.

"Oo, dito ang kwarto mo, wag ka mag-iingay lalo na sa gabi at katabi mo lang ang kwarto ni Sir Hades," bilin at imporma niya sa akin kaya natigilan ako.

Katabing kwarto ko lang?

Napatingin ako sa dingding kung nasaan banda ang kwartong nadaanan namin kanina bago ang akin at itinuro ko.

"Doon ho ang kwarto niya?"

"Oo, kaya kapag nandiyan na siya at tumunog ito." Lumapit siya sa tila intercom voice na nakapatong sa may bedside table ko. "Pindutin mo lang itong button na asul, madidinig mo na siya, kung anong ipag-uutos niya."

"Kaya alisto ka, apo. Mabait naman iyan si Hades pero may timpla iyang hindi maganda minsan lalo na kapag pagod siya sa trabaho kaya kakapain mo rin," pangaral pa niya sa akin.

"Alin ho ang kakapain ko Lola?"

Nang bigla niya akong hampasin kaya napadaing ako sa gulat dahil bakit siya nanghahampas eh nagtatanong lang naman ako?!

"Ang mood niya! Pakiramdaman mo ibig ko sabihin at iisipin mo muna ang ikikilos mo sa harapan niya. Susko kang bata ka! Baka lang mamaya eh literal mong kapain kaya umayos ka!" pagalit niya kaya napanguso ako lalo na ng dinuro pa niya ako.

Sus, ano ba akala niya sa apo niya manyakis? Umirap na lamang ako.

"At ito ang tandaan mo palagi. Siya ang boss at katulong ka lang dito pasahod ka niya pag pinagalitan ka h'wag kang sasagot kahit pa naiinis ka na, wag ka na lang magsasalita baka tanggalin ka."

Napapirmi ako sa kinauupuan kong napakalambot na kama saka napanguso ulit. "Paano naman Lola, kung mali na? Hindi pa rin ho ba ako sasagot?" tanong ko kaya napangiti siya.

Lumapit siya sa akin at hinawakan ang magkabilang pisngi ko. "Tandaan mo, apo... walang mali o tama sa taong nagpapasahod sa iyo dahil sila ang amo mo at que mali sila, bayad ka."

Ang sakit pakinggan ng reyalidad ng buhay, na kapag mahirap ka nasa ilalim ka lang ng mga taong matayaman...

Kaya gusto ko talagang makapagtapos ng pag-aaral at mag-sikap para sa amin ni Lola nang makaahon kami sa hirap at hindi na namin kailangan mangatulong para mabuhay.

"Basta tatandaan mo ang mga bilin ko sa iyo pagdating sa bahay na ito may amo ka, may boss ka, may kailangan kang sundin hindi ikaw ang reyna." Ngumiti lang ito ngunit paismid dahil alam niya ang ugali ko.

Huminga na lang ako ng malalim at ngumiti rin. "Opo, Lola... magpapakabait ako," saad ko bilang pangako kaya pinat niya lang ang ulo ko na ikinayuko ko.

"Siya, mag-bihis ka na ng maid uniform at sigurado pauwi na iyon si Sir, at pagkabihis mo pumunta ka sa sa kwarto niya, kunin ang mo ang mga marurumi niyang damit dalhin mo sa laundry area sa baba, tuturuan kita paano gumamit ng automatic washing machine."

Doon ay iniwan na ako nito at lumabas na ng kwarto kaya muli kong nilibot ng tingin ang kabuan ng silid, very aesthetic.

Napangiti ako at tumayo na. Akalain mo nga namang maid's room lang ito? Ang laki na nito para sa akin gayong solo lang ako.

Pero sandali, nasaan ba ang maid's uniform na sinasabi ni Lola? Wala naman siya sa akin ibinibigay.

Tiningnan ko sa dala kong malaking bag at maleta pero wala naman, mga damit ko ito kaya napadako ang tingin ko sa malaking built in closet, baka nandito.

At hindi nga ako nagkamali paglapit ko sabay binuksan ko nakita ko ang may limang pare-pareho klase ng maid uniform, nagulat ako sa pagkamangha dahil ang cute, para akong mag-co-cosplay nito kung ako ang magsusuot.

Alam ba ng may-ari na dalagang 19 years old ang magiging bagong kasambahay niya? Marahil, dahil sinabi na rin siguro ni Lola.

Kinuha ko ang isang naka-hanger at isinara na rin ang closet saka ko itinapat ito sa akin at tiningnan ang sarili sa built in body mirror na nasa pinto lang din nito.

Maid uniform lang naman ito pero nagagandahan ako, very neat and clean black and white pero napansin ko na, it looks sexy at bagay sa makukurba ang katawan.

Hindi na ako nag-isip pa at agad na akong nag-hubad at nagpalit, sukat na sukat at hakab na hakab sa katawan ko.

Parang isinukat. Tamang-tama lang.

Pero parang nahiya ako bigla nang tumingin ako ulit sa harap ng salamin. Seryoso?

Masiyado ata itong sexy para sa uniporme isang kasambahay! Eh iyung kay Lola hindi naman ganito?

May puting sapatos na kapares nitong damit, nay stockings din naman pero hanggang hita lang siya...

Mabobosohan ako nito pagtutuwad. Tsk.

Pero walang pagpipilian, bawal ako mag-reklamo sabi nga ni Lola kaya lumabas na nga ako ng kwarto ko in full uniform kahit naiilang sa suot at pumasok na sa kwarto ng may-ari ng bahay.

Pero pagpasok ko pa lang ganoon na ang gulat ko. Ang akala ko malaki na ang akin pero mas triple ang laki nito, master's bedroom na...

Nilibot ko ang tingin ko sa bawat sulok, malinis, mabango amoy panlalaki pagpasok mo palang iyon agad ang sasalubong sa iyo, at ang loob pagkakita mo alam na agad na lalaki ang may-ari, dahil sa white with a touch of gray na kulay ng interior.

Pumasok na ako sa banyo niya, ang bango rin, malinis at malawak. Hinanap ko kaagad kung nasaan ang basket ng maruruming damit at nakita ko sa bandang sulok.

Lumapit ako at akmang bubuhatin ko na ang laundry basket bigla akong sinipa ng malikot kong isip at nakuryoso kung ano kaya ang amoy ng mga damit niya.

Mismong silid mabango, banyo mabango, eh iyung taong nagsuot kaya nitong mga damit na ito, mabango rin kaya?

Napangiti ako ng pilya. Ako lang naman mag-isa kaya wala naman siguro makakita sa akin dito?

Nakagat ko ang ibaba kong labi at bahagyang patuwad na yumuko at kinuha ko ang isang polo shirt saka ko inamoy kaya napapikit ako nang maunot sa ilong ko ang panlalaking cologne, ang bango rin...

Natawa ako sa kalokohan ko pero nilubus-lubos ko na ang kuryosidad ko nang makita ko pa ang underwear niya nakalitaw sa ilalim ng mga damit kaya kinuha ko.

Ang sabi ni Lola, makisig daw ang boss namin at maganda ang pangangatawan at tiwala naman ako sa paglalarawan nito kaya ang lakas din ng loob kong gawin ito basta gwapo.

At dinala ko na nga sa ilong ko ang brief niya para amuyin ngunit bago pa lang manunuot sa ilong ko nang may magsalita mula sa likuran ko na ikinanigas ko.

"Anong ginagawa mo?"

Napakalagong ng boses at buong-buo.

Nanlaki bigla ang mga mata ko parang binuhusan ako ng malamig na tubig hindi nakagalaw sa kinatutuwadan ko na para bang gusto ko na lang kainin ng lupa.

Lagot na... bakit hindi ko siya naramdamang na pumasok?! Katakot-takot na kahihiyan ito.

Nakakahiya ka Pepper!