Novels by Sweet Chillie

Paano kung isang araw kusang dumating ang oportunidad na hatid ay maginhawang solusyon sa lahat ng iyong problema ngunit ang kapalit naman ay ang iyong dangal? Tatanggapin mo ba? Mapagmahal, maalaga at matatag na anak at kapatid si Reese Adelai Montello, likas ring inuuna muna ang iba, bago ang sarili. Siya ang sumalo sa mabigat na obligasyon nang maiwan sa kanya ang bunsong kapatid na may malubhang karamdaman matapos maghiwalay ang kanilang mga magulang. Nagsisikap kasabay ng pag-aaral sa kabila ng suportang patuloy na natatanggap mula sa mga magulang hanggang dumating sa puntong hindi na nasasapat... Kaya napilitan siyang tanggapin ang maruming trabahong inalok ng kaibigan sa kawalan na ng pagpipilian dala ng kanyang pangangailangan. Pumasok siya bilang isang ekslusibo at pribadong babae ng misteryosong mayamang binata na si Lucien Heroux, ang lalaking magbibigay sa kanya ng lahat ngunit magpaparanas din ng mga hindi makakalimutang karanasang magsisilbing isang bangungot. Kaginhawahan kapalit ng laya, desisyong gusto nang pagsisihan ngunit wala nang labasan. Hanggang saan kaya kakayanin ni Reese ang sakripisyo para sa kapatid kung kapalit naman ay pagtitiis at pagdurusa sa kamay ng lalaking kay lupit naman pala? At wala nang balak na siya'y pakawalan pa?

Ang dalagang si Peachee Gellato, may kaakit-akit na magandang mukha may taglay pang alindog na hindi niya pa nadidiskubre dahil sa pagiging likas na inosente. Mapagkumbaba at madalas walang bilib sa kanyang sarili si Peachee dahil iyon ang mga kasinungalingang itinatak ng kanyang mga magulang sa mura niyang isipan. Lumaki siya sa malupit na mga magulang, pero sa kabila ng mapait na pag-trato nila nananatili pa rin siyang mapagmahal na anak. Kahit pa pilit itinatatak sa kanya na siya'y mababang uri lang ng babae na walang hustong halaga at nararapat lang din sa mababang uri ng trabaho. Pero nagbago ito nang makilala niya si Stefan Castellano nang pumasok siya bilang personal nitong kasambahay. Makisig si Stefan ngunit istrikto at arogante pang klase ng tao at mapaglaro sa babae, ang binatang panibagong huhubog sa kanya sa sarili niyang pamamaraan. At hindi mamamalayan ng binata na unti-unti pala siyang mahuhulog sa natural nitong kainosentehan na magiging dahilan ng unti-unti niya ring pagbabago. Ngunit hindi niya rin matatanggap na paulit-ulit lang din siya nito tatanggihan, ang pag-ibig niyang mapusok kalaunan magiging kay agresibo.

Queen Pepper Laurel, ang dalagang ubod ng pilya na mamamasukan bilang kasambahay sa tulong kanyang mayordomang Lola na tanging kasama niya na lang sa buhay. Kailangan niya mag-trabaho kasabay ng pag-aaral para dagdag sa panggastos sa eskwela at para na rin matulungan ang kanyang mahal na Lola. Makikilala niya si Hades Grimaldi ang binatang bilyonaryong may-ari ng malaking mansyon na kanyang pagtatrabahuhan na taglay ang pagka-suplado ngunit tanggal angas nang dumating si Queen Pepper. Parehong titibok ang mga puso sa parehong pagkakataon ngunit meron naman kayang kahahantungan ang magiging maharot nilang relasyon kung ang isa ay mayroon nang ibang karelasyon?

Isang buhay ang biglang papasukin, buhay na hindi pinangarap, kasal na aksidente at sapilitang pinasok na puno ng alinlangan. Si Fei Zandaya dalagang puno ng mga pangarap, at lumaki mula sa may kayang pamilya ngunit isang pangyayari ang sisira. Hindi inaasahan siyang maipagkakasundo sa lalaking hindi niya pa nakikilala dahil sa halip na ang nakakatanda niyang kapatid na babae ang maikasal sa estrangherong si Mr. Demirci, siya ang napilitan iharap bandana. Ano kaya ang buhay na sa kanya ay naghihintay sa piling ng hindi pa kilalang lalaki? May pag-ibig kayang umusbong o poot ang tanging mamumuo?

Ang dalagang si Quin na kilala rin sa tawag na Agent Della, isang pribadong sundalong hindi sakop ng gobyerno. Kasama siya sa samahang Falcon Military, nagsisilbi na may iisang hangarin, labanan ang lumalaganap na mga krimen sa bansa sa loob ng pribadong ahensya. May likas na kakayanan ang dalaga na makipagsabayan sa kalalakihan, at lumaban sa karahasan. Nabuhay siyang walang takot mula sa nakaraang masalimuot na naging ugat kung sino siya sa kasalukuyan. Nang magtagpo ang landas nila ni Henrick Montegarde isang ordinaryong gabi, kilala ang binata sa larangan ng negosyo at tanyag din sa larangang sining. Naranasan ng binata ang lupit ng kayang gawin ng isang palabang dalaga dahil sa nagawang kapangahasan na hindi niya sinasadya, ngunit nagdulot na ng hindi magandang impresyon sa dalaga. He messed with the wrong girl that night. Lingid din sa kaalaman niya ang nakatapat isa palang mahusay na sundalong magaling sa larangan ng pakikipaglaban, dahil dito nakuha nito ang labis niyang interes. Pero papaano kayang paaamuhin ni Henrick ang isang dalagang kagaya ni Quin na matigas, at mas matapang pa sa kanya? At Makuha naman kaya niya ang puso nito na kasing tigas ng bato?

Maganda, matalino at matapang na dalaga si Esmeralda Nuevo, lumaki siya sa mayaman at maayos na pamilya kasama ang mahal niyang ama na ang nais lang ay tanging makabubuti lamang sa kanya. Ngunit ang normal at masayang buhay ng dalaga sa isang iglap ay biglang nagbago at ang dating maayos naging magulo dahil sa pagdating ng malupit na si Vihaan Sullivan. Binatang ang tanging mahalaga lang ay ang pansariling interes sa kagustuhan magkaro'n pa ng higit na kapangyarihan pagdating sa larangan ng negosyo, handang manggipit makuha lamang ang gusto kahit pa ang dalagang labis siyang kinasusuklaman. Matutunan kaya siya mahalin ng dalaga kung nakuha niya lamang ito sa pilit? May pag-ibig kayang mabuo kung dala nito ay pabganib?