Chapter Forty Nine

"Ha? Ano na naman ang pakulo ninyong magkakapatid? Aba'y kahapon ang mga anak ninyo ang nagbigay surpresa at ngayon naman ay kayong anim. Nasa ayos pa ba ang pag-iisip ninyo?" kunot-noong tanong ni Aries Dale sa anak.

"Naturally yes na yes, Daddy," sabayang tugon ng anim. Kay lapad pa nang ngiting nakabalatay sa kani-kanilang mukha.

Ay mali! Dose pala dahil lahat ng anim na magkakapatid ay naroon kasama ang kani-kanilang asawa.

"Kung ganoon, ano ang ginagawa ninyo rito? Huwag n'yong sabihing magpakababy pa kayo sa amin ng Mommy ninyo? Aba'y doon kayo sa mga anak ninyong nagmana sa init ng ulo n'yo." Hindi naman siya masungit kaso ang mga anak niya ay mukhang iba ang trip kaysa sa mga anak.

"Si Daddy talaga oo. Kung hindi ko lang alam na... oo na... Iisipin ko sanang nag-away kayo ni Mommy eh. Bakit ba ang sungit mo ngayon?" Nakatawang inakbayan ni Miguel ang ama.

Kung hindi lang sana siya pasimpleng kinurot ng asawa niya ay baka nasabi niya ang nasa isip. Matikas pa ang kanilang ama k