Chapter 7: ‘HER PLAN’

Nilamon ng matinding hiya si Belle nang mapagtanto na ang lalaking tumulong sa kaniya ay walang iba kundi ang lalaking inalok siya ng kasal at ang isang babae na nanabunot sa kaniya ay empleyado nito.

Pagkatalikod ng dalawang babae pagkatapos humingi ng paumanhin hindi na niya alam kung paano harapin ang doctor kahit na ang porma nito ay hindi pang-doctor. Naka-business attire ito at ibang-iba ang aura nito ngayon. Halatang boss na boss.

"Are you okay?" Naramdaman niya ang marahang paghawak nito sa kaniyang siko. Hindi siya naging komportable sa init ng daliri nito kaya hindi niya naiwasang lumayo agad na naging dahilan at napabulong ito. "Sorry..."

Agad na namayani sa sistema niya ang konsensya, kaya dinaan na lang niya sa tikhim ang lahat at ilang na tumingin rito. "O-Okay lang ako." Kinagat niya ang labi niya at mabilis na umiwas ng tingin.

Ngunit humakbang ito palapit sa kaniya. "No. You're not okay, may mga gasgas ka, at kailangan mong magamot."

Napatingin siya sa kaniyang s