CHAPTER 44 LOVE HURTS

Nasa Hernandez residence siya ngayon upang saksihan ang kasal ng matalik niyang kaibigan. Si Yanah at Kylle. Masaya siya para sa bestfriend niya. Kahit fix marriage lang ang pagpapakasal ng mga ito alam niya may tinatago ang dalawa na special na damdamin para sa isa't-isa.

Isang simpleng kasalan lang ang naganap, malalapit na mga kamag-anak at kaibigan lang ang mga dumalo.

"You may now kiss your wife." Wika ng judge na nagkakasal sa mga ito.

Kitang-kita niya ang pagkataranta ng kaibigan na kinahalakhak niya. Napapailing na lang siya ng magtama ang mata nila ni Yanah dahil lumingon muna ito sa kinauupuan nila.

Si Emerald naman ay nagpapadyak ang mga paa dahil sa kilig habang nakatingin sa newly wed.

"Mars, may asawa na talaga siya. Mas nauna pa siya sa atin." Naiiyak na wika ni Emerald sa tabi niya. Natawa siya sa akto ng buntis,

"Huwag kang mag-alala, ikaw na ang susunod niyan. Syempre, alangan naman na lalabas si Baby na di pa kayo kasal ni Sean." Hinaplos niya ito sa likuran.