CHAPTER ELEVEN.

Nagising si Coleen nang makaramdam ng uhaw. Pakiramdam niya tuyong tuyo ang lalamunan niya kaya kahit wala pa siyang plano bumangon ay idinilat niya ng bahagya ang isang mata para lang magulat sa nakita niya.

Agad nanlaki ang mga mata ni Coleen nang makita ang lalaking katabi niya.

Napatingin siya sa ayos nilang dalawa na tanging kumot lang ang nakatakip sa kahubdan nila ng lalaki. Nasapo ng isang kamay ni Coleen ang mukha ng maalala ang kagagahang ginawa niya kagabi.

Wala na finish line na, naisuko niya nang wala sa oras ang pagkababae niya sa binata dahil sa sobrang kalasingan niya kagabi at dahil na rin sa lintik na gamot na hinalo sa inumin niya kaya nangyari ito.

Nakayakap pa ang isang braso nito sa tiyan niya at nakasiksik ang mukha sa gilid ng kaniyang leeg. Sinubukan niyang alisin ang braso ng binata na nakayapos sa kaniya, kailangan na niyang makaalis rito bago pa man ito magising. Akmang babangon siya, para lang mapaigik sa sakit sa bandang gitna niya. Masakit ang buong kata