Chapter 11

TO DESTROY A WHITE LOTUS —11

   Sa unang pagkakataon, hindi ininda ni Mary Joy ang titig ng mga tao. Mukhang kalat na kalat na ang balitang baka si Huseng nga ang nagnakaw sa mga alahas ng prinsipal. Hindi maintindihan ng ilan kung paanong nanakawan ni Huseng ang kwartong buong gabi ay bantay sarado ng matandang dalagang tinatawag nilang lahat na prinsipal gayong nasa ospital siya noon at nagpapagaling. Karamihan man ay hindi naniniwala, lahat gustong may masisi sa nangyaring nakawan. Mainit sa mga mata nila si Huseng kahit pa napakaimposible. Bakit magiging imposible? Sabi ni Giovanni ay grabe ang kasamaan niyang si Huseng!

Iyon nga ang nangyari. Gamit ang mga salita ni Giovanni, si Huseng ang naging target.

“Tsk! Sabi ko naman sa 'yo, dapat hindi ka na muna pumasok, e,” pangangaral ni Brian sa kaniya habang naglalakad sila papunta sa kanilang classroom. “Sa susunod dapat makinig ka rin sa 'kin, boss.”

“Bakit?” Nilakasan n