The Nerdy Secretary

Nasa trabaho ngayon si Kassel at nagsimula siyang mag-serve sa mga customer sa bistro. Wala yata siyang kapaguran dahil tila may enerhiya pa siyang dala-dala ngayon sa kaniyang trabaho. Parang hindi napagod sa maghapong pag-aaral nito sa Saint Bernard College.

"This is your order ma'am! Enjoy your night!" masiglang sabi ni Kassel sa customer.

Bumalik siya sa kusina para kunin ang ibang order nang makasalubong niya ang kaibigan na si Ella.

"Uy, tulungan na kita bruha," sabay kuha nito sa isang tray na hawak ng kaibigan.

"Wow! Salamat. Ang bait mo yata ngayon, impakta?" patawa-tawang sabi nito.

"Ay hindi! Masungit ako!" pilosopong sagot nito.

Naglakad na siya paalis at hindi na pinansin ang sasabihin ng kaniyang kaibigan.

Habang nagbibigay siya ng mga order ay aksidente niyang nakabangga ang business tycoon na si Ruzzel

"Ay! Sorry, sir. Hindi ko po sinasadya," paumanhin nito.

"What the fuck?!" inis na usal ng binata.

Umangat ang tingin nito at napakagat labi siya dahil hindi niya alam kung artista o diyos ang nasa harap niya.

"Tanga ka ba? Bulag ka ba?! Huh?! Hindi ka na sana nag-waitress kung tanga tanga ka!"

Napabalik wisyo siya sa malamig na boses ng binata. "Hindi po, sir. Pasensya na po. Pupunasan ko na lang," sabay kuha niya sa isang malinis na pamunas sa bulsa nang suot niyang uniporme.

"Damn. Stupid!" singhal sa kaniya ng binata tsaka naglakad paalis.

Kumunot ang noo niya sa sinabi nito.

" Stupid? Ako? Napaka-arogante naman ng gagong iyon! Hindi ko naman sinasadya. Tsk! Marangal naman ang pagiging waitress ko, ah," inis niyang sambit sa sarili.

Dumating naman ang kaniyang manager kaya't namutla siya wari'y matatanggal pa yata siya sa trabaho niya. Tumingin ito sa mga basag na pinggan na nagkalat sa sahig.

Napayuko na lamang siya nang pinasunod siya sa opisina ng manager niya.

"Ano na naman itong ginawa mo, Kassel? Ilang beses ko bang sasabihin na mag-ingat ka?!" sigaw sa kaniya ng kaniyang manager.

"Hindi ko naman po sinasadya, ma'am," nakayukong sagot niya.

"Dahil sa ganito na naman ang nangyari. Tatanggalin na kita dito. I don't want an employee that is not efficient" saad ng manager.

Namutla si Kassel sa desisyon ng manager nito. Bagsak ang balikat niyang humingi ng tawad dito. " P-pasensya na po sa hindi pagiging efficient na empleyado, ma'am."

Iniabot naman ng manager nito ang huling sahod at agad niya itong kinuha.

"Maraming salamat po, ma'am! Aalis na po ako."

Nagpaalam na siya at lumabas sa opisina. Naabutan niya ang kaibigan at malungkot itong gumanti ng ngiti. Nagtungo siya sa locker area para kunin ang gamit niya para na rin makauwi siya.

Lumabas na siya nang bistro at nag-abang ng masasakyan sa kalsada. Pasado alas otso pa lang naman kaya't sigurado siyang may masasakyan pa siya.

Ilang minuto pa ang lumipas may humintong taxi sa harap niya at laking pasasalamat niya rito ng makarating siya sa apartment na tinutuluyan niya.

Nang makapasok siya sa apartment niya ay nag-ayos na siya ng kaniyang sarili. Humiga siya sa kama niyang maliit at tumingin sa kisame.

"Wala na akong trabaho. Paano ako mabubuhay nito? Ang pag-aaral ko? Isang semester na lang ga-graduate na ako," malungkot nitong himutok.

"Hayst! Nakakainis naman kasi! Dahil pa sa lalaking iyon kaya ako natanggal sa trabaho!"saad niya habang kinukutusan ang kaniyang ulo.

Tumagilid siya nang higa at ipinikit ang kaniyang mga mata. Hindi niya namalayan ang oras at tuluyan na nga siyang nagpadala sa kadiliman.