25. TWH

[Pamela]

Tila sinaksak ang puso niya sa sakit ng bitiwan siya ni Alaric. Sumenyas ito sa mga tauhan na ihatid siya sa sasakyan. Kita niya ang pagsilay ng matagumpay na ngiti ni Patricia sa labi.

Nagyuko siya ng ulo. Ang sakit! Gusto niyang lingunin si Alaric pero hindi niya ginawa. Ayaw niya na makita nito ang luha sa mata niya.

Nanginginig ang labi na kinagat niya iyon. Habang naglalakad ay tuluyan na siyang humagulhol. Tama nga siya, wala siyang halaga sa lalaking mahal niya. Hindi talaga siya ang mahal nito kundi ang babaeng 'yon.

Kung hindi marahil siya nito ginamit sa paghihiganti ay baka ang mga ito pa ang nagpakasal at hindi sila. Pagkarating sa sasakyan ni Alaric ay pumasok siya ro'n. Lalong nanikip ang dibdib niya ng maisip na baka masaya na ngayon ang dalawa ng umalis siya.

Masayang magkahawak kamay. Masayang nagkukwentuhan. Masayang naghahalikan!

Humawak siya tapat ng dibdib. Para 'yong dinudurog sa sakit!

"STOP TALKING LIKE THAT IN FRONT OF MY WIFE, PATRICIA. BAKA PASABUGIN