Chapter Thirteen: Ang Pagdukot Kay Michele Montserrat

Kasalukuyang naglalakad si Michele sa loob ng mansion, at tinatahak niya ang direksiyon papunta sa private office ng kanyang ama. Tinawagan siya ng kanyang ama, at sinabi nito na kailangan nilang magkita dahil may importante silang pag-uusapan.

Hindi sinabi ng kanyang ama kung ano ang pag-uusapan nila, pero sigurado siya na pag-uusapan nila ang engagement at kasal nilang dalawa ni Celeste.

Pero matagal nang buo ang kanyang desisyon na pakasalan si Clarissa, at walang sino man ang makakapagpabago ng kanyang isip.

Not even his father.

Nang marating na niya ang private office ng ama ay agad na siyang kumatok sa pintuan.

"Come in!" narinig niya ang boses ng ama mula sa loob.

Nagpakawala muna ng malalim na buntonghininga si Michele bago niya binuksan at pinto at pumasok sa loob.

"Salamat at pinagbigyan mo akong makausap ka ngayon, hijo. Maupo ka muna..." ang bati ni Don Michael sa anak.

Umupo naman si Michele sa kalapit na silya, habang inihahanda Niya ang sarili sa susunod na sasabihin ng