The Billionaire's Ex-Wife Is The Lost Zillionaire Heiress

"AT 25, Levi Yuchengco became the youngest chairman and CEO of a publicly listed company in the history of the Philippine Stock Exchange when LYC Engineering had its initial public offering in 2019 with a value of ₱2.7 billion. LYC Engineering was among the few select 200 companies that were able to list in the PSE—" Mabilis kong hinaklit ang notebook mula sa kamay ni Sora. Dahan-dahan itong pumihit paharap sa akin at saka namewang.

"Ilang beses ko nang sinabi sa iyo na huwag mong pinakikialaman ang mga gamit ko," inis na turan ko rito. Tatalikuran ko na sana ito nang marahan niyang hinila ang iilang hibla ng buhok ko.

"Talaga bang sumama ka rito sa akin sa Manila para maghanap ng trabaho o para mapalapit diyan sa Levi Yuchengco na yan at nang magawa mo na iyang binabalak mong paghihiganti?

"Para magtrabaho, at maghiganti na rin." Inirapan ako ni Sora. Isa-isa niya nang inalis ang curler sa buhok.

"I'm all for this revenge shit. Suportado kita simula college tayo, pero Tel." Bumuntong-hininga si Sora, "Pa-dalawang buwan ka na rito sa Manila. Ayaw kitang i-pressure kaya lang grabe na yung ngawa ng wallet ko. Maganda lang ako at makinis ang balat kaya mukhang mayaman, pero alam mo naman na sakto-sakto lang ang kinikita ko. Kapag hindi ka pa nakapaghanap ng trabaho, sa kangkungan na pupulutin ang ganda nating dalawa." Ngumuso si Sora at marahang pinisil ang mga pisngi ko saka pilit na pinagtapat ang mukha naming dalawa.

"How about we multi-task, ha, dear? Magtrabaho sa umaga at sa gabi mo intindihin ang oplan ipaghiganti si Tita Beatrice," anito sa akin. Nangunot ang noo ko.

"Sa gabi?"

"May nasagap akong impormasyon. Makakatulong para mapalapit ka sa anak ng lalaking yon, pero saka ko na ibibigay sa iyo, kapag natanggap ka na sa trabaho." Binitawan ni Sora ang mga pisngi ko at papasok na dapat sa cr nang haklitin ko ang braso niya.

I gently fluttered my eyes to make her give in, pero mahinang pitik sa noo ang natanggap ko.

"Hindi yan gagana sa akin."

"Paano kung matagalan pa bago ako makahanap ng trabaho? Alam mo namang hindi ganoon kadali mag-apply."

"May opening kami sa bar." Ngumisi na lang ako rito at marahan nang iniling ang ulo.

"Gaga, waitress hindi entertainer, alam ko namang hindi mo kaya iyong trabaho ko."

"Ayaw ni Mama, pero bahala na. Pag hindi pa rin ako nakahanap ng kahit na anong trabaho ngayong week. Tatanggapin ko na iyang sa Havoc." Dalawang beses na nag-flying kiss si Sora.

"Good luck." Kumawit na naman ako sa braso niya.

"A deal is a deal, baby girl. Kaya bitawan mo na ako kasi mali-late pa ako dahil sa iyo. Traffic pa naman ngayon, Friday," aniya.

Pag-alis ni Sora. Ni-lock ko ang pinto at dumiretso na sa kusina. Malalim akong bumuntong-hininga habang inaabot ang huling lata ng sardinas sa cup board.

"Putangina! Kung hindi dahil sa Leon Yuchengco na iyon, hindi magkakanda-letse letse si Mama. Sana anak mayaman ako, heiress na sa Le Rosey nag-aaral at kasama sa Le Bal des Debutantes." Agad akong na-distract ng text notification mula sa panggagalaiti.

"Pang-egg tart mo bukas. Kaonting rewad pagkatapos mong mag-apply, uwian mo rin ako, ha?" Napangiti na lang ako sa notes na kasama ng gcash transfer galing kay Sora.

Ala-sais pa lang ng umaga ay wala na ako sa bahay. Maaga akong umalis para marami-rami rin akong mapagpasahan ng resume. Ilang oras na lang at magdidilim na ulit.

L***t na ang dila ko, masakit na ang mga binti at nagdudugo na ang mga paa dahil sa blister gawa ng heels. Sunod-sunod na lang akong napamura sa inis sabay hagod sa aking buhok nang makitang puno pa rin ang jeep na paraan, pangatlo na yon na ganoon.

"Ano? Wala akong barya, pambayad lang sa jeep ang mayroon ako. Unemployed pa ako, hanapin mo na lang ako pag natanggap na ako sa trabaho," asik ko sa kumalabit sa akin sa pag-aakalang nanlilimos na naman iyon, kanina pa rin kasi ako nilalapitan nang nilalapitan ng mga pulubi.

"Baka lang interesado ka—" Inilingan ko na agad iyong babae bago niya pa matapos ang sinabi.

"Promise, hindi ako yung target market ng mga modus niyo." Binuksan ko ang coin purse para matanaw niya ang tatlong one hundred at mga barya na laman non, "Eto lang ang pera ko."

"Five thousand. Kaliwaan. Pagkatapos ng shoot ibibigay namin agad iyong bayad," anito. Tumaas ang kilay ko.

"O, para maniwala ka talaga sa akin ibibigay ko na sa iyo ngayon iyong 2500." Nilabas niya ang maliit na envelope at inabot sa akin. Limang malulutong na five hundred ang laman non.

"Ayaw mo pa rin ba?"

"A-Ano ba ang gagawin? Legal naman yan?" Mahinang tumawa iyong babae. Kamuntikan niya pa nga akong hampasin na para bang close kaming dalawa, nailag ko lang ang braso ko.

"Oo, legal ito! Ano ka ba." Nilabas niya ang isang id.

"May shooting kami para sa isang start-up ng swimsuit line. Yung model namin may emergency, hindi makakapunta. Hindi puwedeng i-postpone yung shoot kaya kailangan ng bagong model." Sandaling sinipat ng babae ang kabuan ko.

"Sakto ka kasi. Maganda ang mukha pati ang hubog ng katawan."

"5k lang? Tas magmu-model ako? Hindi ba lugi ako riyan." Nahuli ko ang pagtagis ng bagang ng babae, tila nauubusan na ng pasensya.

"8k. Pero yan na talaga. Kung ayaw mo pa rin. Hahanap na lang ako ng iba. Hindi pa kalakihan ang budget namin. Start-up business nga kasi."

"Ok, saan yung set? Malapit lang ba rito? Kung malayo, ok lang ba na ihatid mo ulit ako rito pagkatapos ng shoot? Hindi ko pa kasi kabisado iyong lugar." Tiningnan niya ang building ng isang condo na hindi naman kalayuan sa kinatatayuan namin.

"Doon lang."

Pagbukas pa lang ng elevator. Habang naglalakad sa hallway papunta ng unit, nagsisimula na akong kabahan. Kung ano-ano na ang naiisip ko kaya lang hindi ko magawang umatras, nasasayangan ako sa pera, ayaw ko na maging bato pa iyong eight thousand.

"It's fine, everyone gets cold feet pag first time nila. Nandito rin naman ako, pag-uncomfy ka na sa ipagagawa nila. Senyasan mo ako." Pinihit ako nung babae paharap sa malaking salamin para makita ko ang aking sarili.

I look different, it's because of the red lipstick. Akala ko noon, hindi bagay sa akin ang pulang lipstick, mali ako, maganda siyang tingnan sa akin, nakakaakit. Tatanungin ko pa lang sana kung ano ba yung pangalan ng babae kaya lang bigla na akong tinawag ng photographer.

Paglipas ng ilang minuto, at pagkatapos ng ilang instruction na sinusunod ko naman pero hindi pa rin nakukuha ang resulta na gusto nila. Binaba na ng photograper iyong camera.

"Ang stiff mo, sobrang stiff mo. Ano bang dapat kong gawin para mag-loosen up ka?" Tanong nito sa akin. Minata ng photographer yung whiskey. Nagsalin siya at inabot sa akin yung baso. Tiningnan ko iyong babaeng nag-recruit sa akin, tumango ito, hinihikayat ako na inumin yon at magtiwala sa kanila.

Pagkaubos ng pangatlong baso. Halos hindi ko na alam kung ano bang nangyayari sa paligid ko. Nag-iinit ako, at may kung anong hinahanap ang katawan ko.

"Ang baba pala ng alcohol tolerance mo," sabi ng photographer.

"Higa ka muna. Pabababain muna natin iyang tama mo bago natin ituloy iyong shoot," anito sa akin.

Hindi ako gumalaw sa kinauupuan. Imported yung alak, kaya siguro mas matapang, pero, hindi, parang may mali talaga.

"Sakto na yang ganiyan siya, puwede na iyan. Magsisimula na ako," ani ng boses na hindi ko na alam kung kanino ba.

Naramdaman ko na lang na may humahalik na sa leeg ko habang unti-unting binabaklas ang bikini top na suot ko, sa isang iglap nawala ang pagkalasing ko, may kung ano pa ring nagpapahilo sa akin.

Buong lakas kong binayagan iyong photographer na naka-boxer shorts na lang ngayon. Dahil kaming dalawa na lang ang nasa condo, mabilis na akong nakalabas sa unit habang namimilipit pa rin iyong lalaki dala nang ginawa ko sa kaniya.

Malakas akong humagulhol habang hawak ko ang string ng bikini top na suot ko at paulit-ulit na pinipindot ang elevator para bumukas. I cried louder when I saw the photographer limping towards me. Bumukas ang elevator, sumalubong ako ng pasok sa lalaking papalabas dahilan para magkabunguan kami.

Mahigpit niya akong hinawakan. Masama ang tingin nito, at babaklasin na sana ang kamay niyang nakahawak sa katawan ko nang tumapat iyong photographer sa elevator. The stranger's chinky eyes flashed anger as his jaws clenched. Umatras iyong photographer at nagmamadaling lumayo sa elevator, hahabulin dapat siya nung lalaking nakabanggaan ko ngunit mabilis akong umiling habang mahigpit na hinahawakan ang mga braso nito.

His eyes softened.

"Natatakot ako... p-please huwag mo akong iwan. Huwag mo akong iwan dito, b-baka makita ako ng mga kasama niya. D-Dito ka lang, p-please," pagmamakaawa ko habang dahan-dahang dumadaos-us paupo sa lapag ng elevator. Sumarado ang pinto. Inalis ng lalaking ang coat na suot niya saka iyon ibinalot sa halos hubad kong katawan.

"I got you, you're safe, Miss. You're safe with me," bulong niya sa nang-aalo, at halos nanlalambing ng tono.