Kabanata 19

VANCE'S POV

"MAY gusto ka bang sabihin Vance?" pagbasag ni Wena sa aming katahimikan.

Mula sa pagkakatitig ko sa labas ng sasakyan ay napatingin ako sa kanya na ngayon ay nagmamaneho.

Papunta kami sa Unibersidad kung saan nagtitipon-tipon ang mga taong kasama sa medical at psycho social mission na ilulunsad namin bukas sa isang komunidad ng mga katutubo.

Ang aktibidad ay isa sa mga collaboration activities ngayong summer vacation ng human rights organization na kinapapalooban ni Wena at ng tatlong fraternities kabilang ang kinapapaloobang fraternity nila Braxton at Steven.

Ipinagpapasalamat namin na bukás at suportado ng Unibersidad namin ang ganitong mga aktibidad upang mabigyan kami ng pagkakataong makatulong at makita ang kalagayan ng ibang sektor sa kanayunan.

Bukas, isa ako sa mga photographer ng aktibidad. Hindi ako miyembro ng organisasyon ng karapatang pantao ni Wena o anumang fraternities ngunit kapag may pagkakataon at kaya kong makapaglaan ng oras sa ganitong aktibidad a