Chapter 56: Where's Blakey

“BAGAY SA ‘YO, anak.”

Napangiti si Daphne nang balingan ang ginang. Nasa harap siya ng salamin ng botique ng mall na iyon. Pumili na rin siya ng susuotin niya ayon na rin kasi sa ginang. Sagot daw nito, tutal ito naman daw ang nagyaya sa kan’ya.

Kahapon lang bumalik ang magulang ni BK mula sa Caramoan. Sinundo naman siya nito ngayon sa unibersidad pagkatapos ng klase niya. Nabigay na kasi niya ang schedule dito kagabi kaya alam nito kung anong oras siya susunduin.

“Salamat po, ‘Ma.”

Muli niyang tiningnan ang sarili sa salamin. Kahit hindi niya sukatin, alam niyang kasyang-kasya sa kan’ya. Dapat hindi na siya bibili dahil marami pa naman siyang dress na galing din sa mga regalo, kaso ilang beses na giniit ng ginang na ibili siya. Baka sumama kasi ang loob nito kapag tinanggihan niya,

Lumukot ang mukha niya nang may mahagip sa salamin na naghahanap rin ng dress. Bumaba ang tingin niya sa malaking umbok na tiyan nito. Talagang si Amber nga ang nakita niya noon sa labas ng bookstore