8

[ALPHA]

"Kuya! Natapos mo--Oh! A-Anong nangyari sa labi mo?"

Agad na napatakbo si Aikee sa pwesto ko. Kakabukas ko lang ng pintuan at halos dambahin niya ako sa ginawa niya.

"Wala 'to. Nadulas lang d'yan sa labas," sagot ko.

Hinawi ko ang kamay niya at nagtungo sa kusina. Napaupo ako sa upuan at napatingala. Kanina pa talaga ang sugat na 'to. Matapos ng engkwentro namin sa cr ay hindi na siya nagpakitang muli.

"Ikuha mo na lang ako ng yelo. Dampian ko na lang 'to."

"Sa laki ng katawan mo, hindi ako naniniwalang nadulas ka," dagdag pa nito habang nakatitig pa rin sa akin.

Napangisi na lang ako. Hindi ko alam pero nakaramdam ako ng excitement sa katawan ko. Akalain mong malakas nga talaga ang isang 'yon. Hindi ko akalain na mahuhuli niya ako nang gano'n kabilis.

"Oh, kuya, ito na."