Chapter Thirty-Three: Letters To Sweet Raleigh

Napatango na lamang si Aling Sion habang inaalala ang mga pangyayari...

"Isang taon na ang nakakalipas nang bigla na lamang himatayin si Paulo habang nag-aani sila ng mangga. Isinugod namin siya sa ospital sa bayan, pero ipinayo ng doktor doon na ipakonsulta si siya sa isang espesiyalista sa Maynila. So totoo lang ay kinakabahan na ako noon, Raleigh. Pero ayaw ko lamang na ipahalata sa mga anak ko ang pag-aalala ko. At lihim ko na dinadasal na sana ay hindi mangyari sa anak ko ang iniisip ko." ang malungkot na turan ni Aling Sion.

Malaman naman na nakikinig si Raleigh sa matanda.

"Hanggang sa lumabas nga ang resulta ng kanyang general check-up. Diretsong sinabi ng doktor na may kanser sa dugo si Paulo, at ito ay nasa late stage na. Pinanghinaan ako ng loob noong una. Pero parang wala lang iyon sa anak ko, at patuloy pa rin ang pagbibiro at pagtawa niya. Araw-araw ay sinasalubong niya ang umaga ng may ngiti sa labi. Hindi siya nagpapakita ng kalungkutan at kahinaan habang nakikipagla